Fryske Krite Hoarn Troch de Tael Forboun

Transcriptie

1 Fryske Krite Hoarn Troch de Tael Forboun oktober 2014 Ledeberjochten... 4 Douwe Egberts punten... 6 Krite op de Kunst en Cultuurmarkt... 7 Útnoeging foar 18 oktober De Emigrant Ferlotting en tagongsprizen Fytse foar 250 euro Foar it bûsboekje De wurklist winterskoft Wurklist fan susterkriten Frysk folksliet ( De âlde Friezen ) Bestjoer Fryske Krite Hoarn Kvk. Nummer: Rabobank rekken: NL54 RABO Lid fan It Frysk Boun om Utens 1

2 Fryske Krite Hoarn Troch de Tael Forboun Bêste Kriteleden, Wat hawwe wy in moaie simmer hân en wy genietsje no ek nochris fan in moaie neisimmer. Wy sjogge om ús hinne de hjerst der al wer oankommen. De blêden oan de beammen krije al wer in oare kleur en der ferskynt sa njonkenlytsen in tapyt fan blêden. Minsken der is al wer in jier foarby en wy wurde allegearre âlder, mar ek de Krite bestiet no al wer 103 jier, mar bliuwt aktyf! Wy tinke ek oan de minsken dy t miskien siik west hawwe of fertriet hienen om it ferlies fan in dierbere. Wichtich is it dat minsken omtinke oan de neisten. Yn Hoarn en omjouwing hat de Gemeente in moai inisjatyf nommen, dat der in burendag organisearje wurd. Mar wy wolle ek de ynset fan Ans Boelens foar lief en leed fan de krite nochris ûnder jimme oandacht bringe. Is der sykte, jubileum of wat oars jou it efkes troch (adres efter yn it boekje). Yn septimber hawwe wy de jiergearkomste hâlden en hat it bestjoer bewâld dyn fan it ôfrûne jier en fertelt wat der al sa barre sil yn it nije winterskoft. Ek it foarstel om de kontribúsje te ferheegjen is besprutsen. Jierrenlang wie de kontribúsje 7 euro mar de kosten binne omheech gien en sadwaande 2

3 wurd de kontribúsje ferhege nei 10 euro foar in lid. It bestjoer bliuwt harren ynsette foar goed toaniel, goede sprekkers, sa dat wy allegearre ek yn de takomst genietsje kinne fan de o sa moaie Fryske taal. Dan wol ik ek in wurd rjochtsje oan alle frijwilligers fan ús krite, tige tank foar jimme ynset. Op de jiergearkomste is fertelt dat dit myn lêste jier as foarsitter is. Dan is der genôch tiid foar it omsjen nei in nije foarsitter. De organisaasje foar de prizetafel is no yn hannen fan frou Oly en frou Kloezen. Hja hawwe meidielt dat dit it lêste jier is dat hja dat dwaan wolle. O sa bliid binne wy dat Diny Boonstra takomme jier mei dwaan wol en dat der noch in twadde persoan by nedich is.it ferslach fan de jiergearkomste komt yn it folgende kriteboekje. It bestjoer is tige ynnomd mei de oanmeldings fan nije leden. In krite kin net bestean sûnder harren leden en wy hoopje dat de krite jimme noflike jûnen bringt. De earste grutte jûn is mei muzyk, sjongen en in ferteller. De hearen Huisman en Kootstra. It is wat oars as in toanielstik mar wy hoopje op in moaie fleurige jûn. Der binne ekstra flyers útdielt om nijsgjirrige minsken te lûken nei dizze jûn. Beste minsken, nim goekunde of in freon mei. Ik hoopje jimme allegearre te moetsjen op dizze earste jûn fan it winterskoft. Graach oant sjen, Eppie Kloezen, foarsitter 3

4 Ledeberjochten Yn de simmer fan 2014 is ferstoarn ús lid de hear F. Vitting, Sterrenweg, Hoarn. Wy winskje de neibesteanden in protte sterkte ta om mei dit ferlies om te gean. In tige wolkom oan nije leden: De hear en frou Bouma, Barreven 12, 1544 VP Zaandijk De hear en frou Harder, Kule 52, 1779 EE Den Oever De hear en frou Meines, Tarwestraat 29, 1446 CA Purmerend De hear en frou V.d. Vliet, Scheepsbouwweg 77, 1033 DC Amsterdam De hear en frou V.d. Weide, Marslaan 253, 1562 WJ Krommenie It kritebestjoer is bliid dat jimme lid wurden binne fan ús krite. Wy hoopje dat jimme genietsje fan de toanieljûnen en de jûnen mei in sprekker. 4

5 In augustus wienen de hear en frou Dijkstra-de Vries 50 jier troud. De Krite Hoarn lokwinsket jimme mei dit jubileum en hopet dat der nochris in protte jierren yn goede sûnens by komme meie. Adres fan Albert en Tiny Dijkstra, Schoener 3, 1771 EA Wieringerwerf Autoferfier: Leden dy t yn Hoarn, Blokker en Zwaag wenje en autoferfier nedich ha, kinne kontakt opnimme mei ús skriuwer de hear Vogel (till ). Lief en Leed Lief en leed berjochten kinne jimme trochjaan oan: Ans Boelens Wiersma, Schuitenmaker 22, 1647 BN, Berkhout. Till.nr

6 Douwe Egberts punten Douwe Egberts waardepunten binne jild wurdich. In protte minsken sparje noch altyd dizze waardepunten en bewarje se faaks al jierren. Mar dizze waardepunten meie ek foar goede doelen brûkt wurde. Ien fan de doelen is kultuer, lykas in Fryske Krite. Derom wol ús Krite Hoarn ek meidwaan oan it garjen fan dizze waardepunten De krite kin dan jild krije foar dizze punten en dat stipet ús ponghâlder yn syn rekken. It is wol sa dat Douwe Egberts harren winkels binnenkoart slút, mar de hannel oerdocht oan de winkels fan Blokker. Hoe dat útpakt witte wy noch net. De krite moat noch besjen wat foar artikels wy der foar krije kinne. De waardepunten kinne jo ynleverje op de kritejûnen, by de yngong fan de seal stiet dan in doaze. Nimme jo de punten mei nei de kritejûn? 6

7 Krite op de Kunst en Cultuurmarkt Y n Hoarn wurd sûnt 7 jier in Kunst en Cultuurmarkt hâlden, wer ek de Fryske Krite Hoarn in diske hat. Op sa n dei kinne ferienings harren presintearje mei it programma foar it kommende winterskoft. It barren is west op snein 7 septimber yn de binnenstêd fan Hoarn. De cultuurmarkt is allinnich op snein en begint om alve oere en eindiget om fiif oere middeis. De Fryske Krite hat fan Afuk, VVV Ljouwert en Tresoar in protte materiaal krigen oer taal en folders oer oare Fryske eveneminten. Mar ek de Krite hat it programma foar it winterskoft yn de oanbieding. Der komme sa n 20 tûzend minsken nei dizze Kunst en Cultuurmarkt. Mar ús Krite hat sa om en na by 200 minsken ûntfongen en dat is dôchs in moaie reklame foar Fryske taal en kultuer. In protte minsken nimme in folderke mei en ek faaks noch it programma fan de Krite. Wy meitsje net allinnich promoasje foar de Krite mar ek foar it Heitelân. Mar wy fine it ek moai dat der eigen Kriteleden efkes oanwippe en in praatsje meitsje.. Tank oan de minsken dy t harren ynsetten ha foar de oanklaaiïng fan it diske en de promoasje op dizze dei: Diny Boonstra, Renske Nauta, Douwe Hoekstra, Eppie Kloezen, Marinus Leenstra, 7

8 Útnoeging foar 18 oktober 2014 It bestjoer fan de Krite Hoarn noeget al har leden, sibben en kunde út foar har grutte jûn op 18 oktober 2014 om oere yn e Huesmolen te Hoarn foar Ferhalen en muzyk fan Douwe Kootstra en Bennie Huisman 8

9 Douwe Kootstra Al in grut tal jierren fertelt Douwe Kootstra yn en bûten Fryslân - sels yn 2007 op Oeral - âlde folksferhalen. Net allinne oerlevere sterke ferhalen út eigen provinsje, mar bijgelyks ek út Skotlân, Noarwegen, Portugal, Vietnam, Japan en Yndonesië. Op syn repertoire steane mearkes, seagen, legindes, mythen, mar foaral ek fermaaklike ferhalen út e noard-eastlike Fryske Wâlden. Fan dy ferhalen binne der yn Fryslân, tanksij ferneamde samlers as Dam Jaarsma út Eastermar, sa n stiks oerlevere, in unike kolleksje en in tankbare skatkiste foar fertellers. Duvelse moai! Bennie Huisman Ik bin in Lietjesman. Sjong eigen harklietjes en wat ik fierder moai fyn, fan klienkeunst oant klassyk. Yn it Frysk, Stedfrysk, Nederlâns, Dúts, Ingels en Italiaans. Allinne of tegearre mei... op ûnderskate poadia : yn húskeamer & theater, op strjitte en op it wetter, yn ferpleechhûs & by ***-diner, jûnfoljend & tuskentroch. Begelied mysels op akkordeon of piano 9

10 De Emigrant Mei in ploechje van 6 leden fan ús krite betochten wy, dat wy graach de foarstelling De Emigrant sjen woenen. Ien fan ús, Renske Nauta, altiten tige warber op it ynternet, socht it út en kaam by ús susterkrite yn Seist telâne. Der waard De Emigrant opfierd en der wienen noch in stikmannich kaarten beskikber. Fuortendaliks reservearre en op sneon 5 april reizgen wy of nei Seist. Earst earne lekker ite en doe nei de seal fan de krite yn in earder tsjerkgebou. It waard hielendal fol en it wie tige waarm yn de seal, mar wat hawwe wy genoaten. Freark Smink, de haadrolspiler, die it geweldich as de emigrant Sybolt de Haas, dy t yn syn jonge jierren nei Kanada emigrearre, om t syn broer de pleats fan syn âlden krige. Hy hat it goed hân yn Kanada, mar hat wol syn whole life homesick west. Hy hat syn frou op har stjerbêd tasein, dat er nochris werom gean sil nei de Greidhoeke. Yn dit stik giet er op reis en hy makket yn Fryslân fan alles mei, dêrby stipe troch syn tsjinspiler Theo Smedes, dy t mar leafst 4 rollen spilet. Ik sil net alles oer dit stik ferriede, der binne faaks noch minsken, dy t de dvd keapje en besjen wolle. Wy fûnen it in geweldich stik mei humor en weemoed en prachtich spile troch dizze twa manlju. It wie in fantastyske jûn. Ek út namme fan de oare fiif: Harmke Burggraaff 10

11 Ferlotting en tagongsprizen Lidmaatskip en tagongsprizen: It lidmaatskip foar ien persoan is 10 euro foar in hyl jier (It krite jier rint fan juny oant ein maaie). Op de grutte jûnen is de tagongspriis foar leden 2,50 euro en foar net leden 5,00 euro mar de lytse jûn is fergees. Opjefte foar it lidmaatskip kinne jo dwaan by de ponghâlder de hear P. Slange De sealpriis op de grutte jûnen: Jo kinne dizze sealpriis winne as jo yn e seal sitte op ien fan ús grutte jûnen. By de yngong krije jo in nûmer dat kâns jout op dizze sealpriis. De ferlotting yn it skoft: Yn it skoft fan de grutte jûnen wurdt der in ferlotting hâlden. De prizen bestean meastentiids út in blomke, oranjekoeke, fleske wyn of oare aardichheden. Jo kinne yn it skoft lotten keapje foar 5 euro en dan krije jo 10 lotsjes fan elk 50 eurosint it stik. Altyd priis by de keap fan 10 lotsjes. Presintsje Oprop oan de leden: presintsje foar de priistafel Aardich is dat leden ek in presintsje meinimme foar de priistafel. Dan stypje jo ek de krite. 11

12 Fytse foar 250 euro Rabo Fyts sponsertocht De Rabobank is noch in bank dy t ferienings sponsert as hja mei dogge oan de fytstocht. Dat smyt altyd noch 250 euro op en wy witte dat de ponghâlder der tige bliid mei is. Wy sette útein bij de Rabobank yn Hoarn en dan krije wy in sekje mei wat iterij mei. De route giet op nei Nibbixwoud, Wognum, Zuidermeer en dan hâlden wy healwei efkes piipskoft. Wy ite wat en der is ek nochris kofje mei nommen. Gesellich even byprate en om ús hinne sjen en genietsje fan it moaie noardhollandske lânskip. Nei in lyts hjel oere stappe wy wer op de fyts rjochting De Goorn en Oudendijk. De sinne skynt en it trapet o sa maklik. De wyn ek nochris yn de rêch komme wy om en na by tolve oere wer oan by de Rabobank yn Hoarn. It wie in moaie fytstocht en eltsenien wol takomme jier wer meidwaan. De stimpelkaarten wurde ynlevere by de organisaasje fan de Rabobank en de ponghâlder kriget letter de 250 euro op de bankrekken fan de krite. 12

13 Foar it bûsboekje oktober 2014 Kom en Sjong Folkshegeskoalle Schylgeralân Badweg Hoorn 71,8896 KC Hoorn Terschelling tel: of Ynskriuw formulier Kursusoanbod 2014 kinne jo ek opfreegje by de skriuwer de heer Vogel oktober Fiskerijdagen, strontrace en lierelied Warkum Foar Frysk amateur toaniel sjoch op de website De ienige Fryske aginda: It bûsboekje 2015 is te keap foar 7 euro, men kin dit ek keapje by ús advertearder It tema is: Humor yn soarten: fan Rimen en Teltsjes oant Teake van der Meer, fan Tetman oant Tutte: in oersjoch; fierder mopkes, teltsjes en tekeningen. 13

14 De wurklist winterskoft oktober 2014 Bennie Huisman & Douwe Kootstra: sjonge en fertelle 24 jannewaris e grutte jûn: toanielstik 13 febrewaris 2015 lytse jûn mei Anne Nauta út Nij Beets 21 maart 2015 Muzykgroep Oostergoo fan Grou Wurklist fan susterkriten Krite Haarlim Gysbert Japicx Lokaasje: Stedelijk Gymnasium, Jacobijnestraat 2, 2011 TH Haarlim. 8 novimber 2014 om oere: Kabaretselskip Noordenbos en Ko mei Kleur Bekenne. Krite Den Helder Gysbert Japicks Fan de Krite Den Helder hawwe wy gjin wurklist. (tillefoan Frou Y. de Vreeze) 14

15 Frysk folksliet ( De âlde Friezen ) Frysk bloed tsjoch op! wol no ris brûze en siede. En bûnzje troch ús ieren om! Flean op! Wy sjonge it bêste lân fan d ierde. It Fryske lân fol eare en rom. Klink dan en daverje fier yn it rûn. Dyn âlde eare, o Fryske grûn! Klink dan en daverje fier yn it rûn. Dyn âlde eare, o Fryske grûn! Trochloftich folk fan dizze âlde namme, Wêz jimmer op dy âlders great! Bliuw ivich fan dy grize, hege stamme, In grien, in krêftich bloeijend leat! Klink dan en daverje fier yn it rûn. Dyn âlde eare, o Fryske grûn! Klink dan en daverje fier yn it rûn. Dyn âlde eare, o Fryske grûn! 15

16 Foarsitter: Bestjoer Fryske Krite Hoarn Eppie Kloezen Timpaan 11, 1628 MT Hoorn Till.: Ponghâlder 1 en Popke Slange lede-administraasje: V. Dedemstraat 4, 1624 NN Hoorn Till.: Skriuwer: Oare bestjoersleden: Jetske Leenstra-de Groot Dorpsstraat GE Zwaag Till.: jetskeleenstra@me.com Douwe Hoekstra Tinnegieter AN Hoorn Till.: ddhoekstra@quicknet.nl Jan Vogel Yellowlaan 4, 1695 HV Blokker Till.: yellowbirds53@gmail.com Eareleden: Frou Janny Bloem-Wouda De hear Popke Slange Renske Nauta-Haagsma Dr. CJK van Aalstweg NV Hoorn Till.: nautahaagsma@hetnet.nl Tiny Dijkstra-De Vries Schoener 3, 1771 EA Wieringerwerf Till.: ak.dijkstra@quicknet.nl Lief en leed: Ans Boelens Wiersma, Schuitenmaker 22, 1647 BN, Berkhout. Till.nr Bank: NL54 RABO Fryske Krite Hoarn 16