TEKS: 1 Korintiërs 13:5b-7 HK 40

Transcriptie

1 SKRIFLESING: 1 Korintiërs 13 TEKS: 1 Korintiërs 13:5b-7 HK 40 TEMA: So doen liefde Psalm 67 : 1 Psalm 133 : 1 Skrifberyming 21 (9-4) : 5, 6 Skrifberyming 78 (13-3)

2 2 In ons Christelike lewe is daar niks wat belangriker is as liefhê nie. Die liefde is die hoofstraat van die Christelike lewe. As jy hierdie straat mis, verdwaal jy heeltemal! En hierdie liefde waarvan ons nou praat (so het ons n paar weke terug gehoor) is nie in die eerste plek n warm gevoel wat jy vir ander mense moet hê, of allerhande mooi woorde wat jy vir ander mense sê, of hoeveel geld of geskenke of voordele jy vir ander mense gee nie. Die liefde wat die Here by ons wil hê, is n manier van optree teenoor ander mense. Hierdie liefde word hier in verse 4-7 met werkwoorde beskryf, woorde wat sê hoe n mens dóén doodgewoon in die alledaagse lewe dóén. Om lief te hê (so het ons die vorige keer gehoor) is: Om geduldig te wees. Wie liefhet, reageer glad nie gou negatief op die sondes en dwaashede en irriterende gedrag van ander nie. Om vriendelik te wees. Wie liefhet, straal op allerhande maniere positiewe seine na ander mense toe uit. Om nie afgunstig te wees nie. Wie liefhet, gun n ander mense dit wat hulle gekry het en bereik het. Om nie grootpraterig en verwaand te wees nie. Wie liefhet, stal dit wat jý gekry het en bereik het, nie spoggerig voor ander uit nie en jy blaas jouself nie op wanneer die Here jou op allerhande maniere seën nie. Om nie onwelvoeglik op te tree nie. Wie liefhet, tree ordentlik op, fyn-gemanierd, taktvol, sensitief. Om nie jou eie belange te soek nie. Wie liefhet, soek in die kontak met medemense na dit wat vir die medemense voordeel sal bring en húlle gelukkig sal maak. Só (sê die Here vir ons deur Sy apostel) doen liefde. Kom ons kyk nou vanaand verder na die lysie van hoe die liefde doen. Die liefde is nie liggeraak nie.

3 3 n Mens wat liefhet, word nie maklik vies nie, wip jou nie vir alles en nog wat nie, vat nie alles persoonlik op nie, kry nie so maklik die gevoel dat jy darem nou vreeslik verontreg is nie. Dit hang saam met die vorige uitdrukking: die liefde soek nie sy eie belang nie. Dis juis mense wat gedurig op hulle eie belang en voordeel ingestel is, wat hulle so gou vervies as dinge nie na hulle sin verloop nie, of as iemand iets gesê het wat dalk as kritiek op jou geïnterpreteer kan word. Maar as jy liefhet, is jou nerf nie so dun nie, is jy nie een van die mense wat n bitter smaak in n situasie inbring met n skerp reaksie of met n gebelgde houding op iemand wat jou dan nou volgens jou opinie te na gekom het nie. Die liefde is nie liggeraak nie. Die liefde hou nie boek van die kwaad nie. Die liefde reken die kwaad nie toe nie. 1 Selfs daar waar iemand jou regtig te na gekom, waar dit nie sommer net onnodige liggeraaktheid aan jou kant is nie, waar iemand jou regtig een of ander kwaad aangedoen het selfs dáár bring die liefde hierdie kwaad nie verder in jou en die ander een se verhouding in berekening nie. Die liefde hou die kwaad nie teen die ander een nie. Die liefde beplan op geen manier weerwraak, om die ander een op een of ander manier terug te kry of te laat boet vir die kwaad nie. Waar liggeraak wees oor die korttermyn gaan, die hier en nou: jy moet jou nie hier en nou vir alles vervies nie, gaan boekhou van die kwaad oor die langer termyn: jy moenie op die lang duur vir iemand kwaad wees of kwaad bly nie. Om lief te hê, is om in sekere sake n kort geheue te hê, om dit byvoorbeeld gou te vergeet as iemand jou verontreg het. 1 AV 1933/53

4 4 In die grootboek van die liefde skuld n ander een jou nooit iets nie Die liefde verbly hom nie oor onreg nie, maar verheug hom oor die waarheid. Die liefde is darem nie ruggraatloos nie. Dit mag dalk so klínk as jy elke keer hoor hoe die liefde sag optree en terugstaan vir n ander mens en die negatiewe maar grootmoedig absorbeer. Maar die liefde is darem nie so pap soos n jellievis nie. Die liefde probeer nie altyd neutraal wees en altyd die sogenaamde goue middeweg vat nie. Die liefde herken onreg as hy dit sien en weet baie goed wat die waarheid is en die liefde kies die kant van die waarheid! Maar let op hóé die liefde kant kies, hoe die liefde ook in hierdie situasie sy positiewe kleur wys: - die liefde wys nie sy voorkeur vir die waarheid deur oor al wat onreg is te kla en dit met vloeke en skelle te verdoem nie; - maar dit wys sy voorkeur vir die waarheid deur blydskap te wys daar waar dit met die waarheid te doen kry. Wanneer n mens liefhet, assosieer jy jou met die waarheid. o Jy s byvoorbeeld bly as jy standpunte hoor wat volgens die Bybel is. o Dis vir jou lekker om tussen mense te wees wat volgens die Bybel probeer leef. o Dit doen jou hart goed as jy van n geval hoor waar reg en geregtigheid oor onreg geseëvier het. Die liefde staan by die waarheid deur bly te wees daaroor. En dan bedek die liefde alles, glo alles, hoop alles en verdra alles. Hierdie vier woorde is baie duidelik saam gegroepeer, in twee pare. Die eerste en die laaste een pas bymekaar: die liefde bedek en verdra.

5 5 En die middelste twee pas bymekaar: die liefde glo en hoop. Die liefde bedek alles. Die liefde doen niks wat die slegte en die verkeerde verder kan aanblaas of groter kan laat word as wat dit is nie. Dit absorbeer foute dis geduldig. Dit reageer nie liggeraak daarop nie. Dit hou nie boek daarvan nie, maar vergeet dit so gou as moontlik. Én dit bedek foute. Dit hou dit toe vir oë wat dit nie gesien het en dit hou dit dig vir ore wat dit nog nie gehoor het nie! En so tree die liefde beskermend op teenoor n medemens wat gestruikel het, gefouteer het, gesondig het. Dit staan eintlik al in die boek Spreuke: liefde bedek alles wat aanstoot gee. 2 En die apostel Petrus het ook geskryf: die liefde bedek baie sondes. 3 Die liefde glo alles. Nie in die sin dat liefde liggelowig en naïef is nie. Liefde is juis ontsettend realisties. Maar waar daar twyfel is of iemand iets verkeerd gedoen het en of iemand kwade bedoelings gehad het met sekere optredes, dáár glo die liefde die beste van die ander een. Die liefde gee n ander die voordeel van die twyfel. Die liefde (skryf Calvyn in sy kommentaar op hierdie vers) sondig eerder deur te goedgelowig as te suspisieus te wees! En die liefde hoop alles. 2 Spr 10: Pet 4:8

6 6 Dit sluit by glo alles aan. Al is die liefde al hoeveel keer teleurgestel deur n medemens, dit gee nooit moed op nie. Die liefde is nie oppervlakkig optimisties nie. Dit hou wel deeglik daarmee rekening dat n medemens weer verkeerd kan doen, weer in verkeerde gedragspatrone kan terugval, weer teen jou kan oortree en met kwade bedoelings kan optree. Maar tog skryf liefde n ander nooit af nie. Die liefde weier om mislukking as die finale woord te aanvaar. Hierdie liefde wat alles hoop, sien n mens by die pa in die gelykenis van die verlore seun, wat bly uitkyk het of die verlorene nie dalk sou terugkom nie. 4 Die liefde bly verwag dat God se genade uiteindelik in hierdie ander mens sal wen. En die liefde verdra alles. Die woord wat hier met verdra vertaal is, is eintlik n positiewe woord, n woord wat sê: - die liefde druk deur; - die liefde volhard in die band met hierdie ander een; - die liefde laat hom nie onderkry nie; - dis soos n langafstandatleet wat net nie ophou nie, wat rondte na rondte na rondte vasbyt en aanhou. Bedek alles, glo alles, hoop alles, verdra alles. Let op die woordjie alles. In die Grieks staan dit elke keer eerste en kry so eintlik die klem: - álles word deur die liefde bedek en geglo en gehoop en verdra álles! Om een of twee keer iets te bedek, om net aan die begin die beste te glo, om net wanneer iemand nie te erg gefouteer het nie, die beste te hoop, om af en toe iets te verdra dís nog nie liefde nie! 4 Luk 15:20

7 7 Die liefde word juis gekenmerk deur die alles: dat dit álles bedek en glo en hoop en verdra Nie liggeraak nie, maar onverstoorbaar, vergeetagtig as dit by ander se foute kom, bly oor die waarheid, onvermoeid as dit die slegte kan toemaak en kan verdra, onblusbaar as dit die goeie kan glo en kan hoop só doen liefde. Onthou tog, as u nou skoon moedeloos gepraat is oor hierdie liefde wat hopeloos buite ons bereik is, dat die Here Jesus al ons liefdeloosheid op Hom geneem het en die straf wat dit by God verdien het, klaar vir ons gedra het, sodat ons elkeen wat in Hom glo, nooit daarvoor gestraf sal word nie. En onthou dat die Heilige Gees, wat die Here Jesus na Sy kruisiging uit die dood laat opstaan het, met daardie geweldige krag ook in elke kind van God se binneste werk, sodat die onmoontlike hierdie liefde tog vir ons moontlik begin word, al kry ons dan eers nog net n bietjie daarvan reg en dit ook nog maar met baie stampe en stote. En onthou dat die Here Jesus vir ons gewys het dat hierdie liefde tog moontlik is in hierdie stukkende lewe; want toe Hy hier op aarde was, het Hy dit volmaak so gedoen. Het u dit raakgesien? Hoe verder ons hierdie beskrywing van die liefde hier in 1 Kor 13:4-7 deurgewerk het, hoe meer het ons die Here Jesus gesien: - Sy liefdevolle geduld onder die uiterste onreg en uittarting; - die vriendelikheid en sagtheid wat Hy teenoor mense uitgestraal het, selfs teenoor sondaars, uitgestotenes, verlorenes; - Sy ongelooflike nederigheid; - Sy fynheid van aanvoeling en optrede teenoor elke mens met wie Hy te doen gehad het; - Sy totale onselfsugtigheid; - hoe Hy sonder vloeke en dreigemente en geweld onwrikbaar aan die waarheid se kant was; - hoeveel sondes Hy met Sy bloed bedek het; - hoe Hy nooit opgegee het met iemand soos Petrus nie wat op n stadium vir Hom n struikelblok op Sy pad na die kruis toe was, wat Hom skandelik verloën het maar wat Hy uiteindelik n voorste apostel gemaak!

8 8 - hoeveel Sy liefde van hoeveel mense verdra het sonder om moeg te word 1 Korintiërs 13:4-7 besing die eienskappe van die liefde wat God se kinders moet hê, maar eintlik is dit ook n lied oor Jesus Christus, wat presies só was, wat só gedoen het volmaak Kom ons gaan doen dan ook so. Ons ís mos volgeling van die Here Jesus, nie waar nie? Kan u u indink hoe die lewe sal wees waar mense só teenoor mekaar optree: positief; sag; beskeie; die negatiewe dinge vergeet en toegemaak; vertroue in mekaar se goeie bedoelings? Dit sal n fees van n lewe wees, n voorsmakie van die groot en ewige feestelikheid in die hiernamaals! AMEN