Saamwoon Bybels beoordeel

Transcriptie

1 Geagte br / sr Ons wil graag by wyse van hierdie herderlike brief met u oor die verskynsel van saamwoon praat. Met saamwoon verwys ons na die verskynsel dat n man en n vrou wat nie getroud is nie, saam bly en leef asof hulle getroud is. 1 Dit is ons waarneming, en dit word bevestig deur navorsing, dat al hoe meer paartjies saamwoon. Dit sluit belydende Christene in. Daarom wil ons u met hierdie brief help om n Bybelse standpunt hieroor te kan inneem. Saamwoon Bybels beoordeel Volgens die Woord van die Here moet twee mense, wat as man en vrou wil saamleef, getroud wees. Dit word as n sonde en n skande beskou as dit anders gedoen word: Eksodus 22:16 Wanneer n man n jong meisie wat nog nie verloof is nie, verlei om met hom geslagsgemeenskap te hå, moet hy aan haar pa die volle bruidsprys betaal en met haar trou. Deuteronomium 22:21 Sy moet sterf omdat sy n ongehoorde ding in Israel gedoen het deurdat sy met n man geslagsgemeenskap gehad het terwyl sy nog ongetroud was. So moet jy hierdie soort kwaad tussen hulle uitroei. 1 KorintiÉrs 7:9 Maar as hulle nie in onthouding kan leef nie, moet hulle trou, want dit is beter om te trou as om deur hartstog verteer te word. 1 Die saamwoon van twee persone van dieselfde geslag in n seksuele verhouding is sonde, al sou hulle volgens die wette van die land getroud wees (Rom. 1:24-27). Hierdie saak word egter nie verder in hierdie brief hanteer nie. 1

2 Om te trou, is meer as om net persoonlike beloftes aan mekaar te maak. Volgens die Woord van die Here bestaan n werklike huwelik uit die volgende oortuigings en handelinge: Die oortuiging dat die Here as antwoord op mense se gebede n besondere man en vrou na mekaar toe lei en hulle saamvoeg. Genesis 2:22 en die ribbebeen wat Hy uit die mens geneem het, bou Hy om tot n vrou en bring haar na die mens toe. Matteus 19:6 Wat God dan saamgevoeg het Die oortuiging dat hierdie verbintenis n lewenslange verbintenis is. 1 KorintiÉrs 7:39 n Vrou is aan haar man gebind so lank hy lewe. Hierdie oortuiging dat die Here twee mense vir mekaar gegee het en lewenslank aan mekaar verbind, is nog altyd deur die Here se kinders gelowig erken in n openbare seremonie voor getuies. Die elemente wat hierdie seremonie bevat is die volgende: - die bruid en bruidegom luister na wat God se Woord oor die huweliksverhouding sö en hulle bid om sy onmisbare seén op hulle huwelik; - hulle belowe trou aan mekaar, bewustelik in teenwoordigheid van God en ook voor getuies. Psalm 119:105 U Woord is die lamp wat my die weg wys, die lig op my pad. Psalm 127:1 As die Here die huis nie bou nie, swoeg die wat daaraan bou, tevergeefs. Deur n formele huweliksbevestiging eerbiedig kinders van die Here ook van die regsreélings wat die owerheid noodsaaklik ag wanneer n man en n vrou saamleef. 2

3 Romeine 13:1 Elke mens moet hom onderwerp aan die owerhede wat oor hom gestel is. Kinders van die Here erken ook die belang wat hulle familie en die gemeente by hierdie verbintenis het deur dit met kennisname en goedkeuring van beide te doen: Eksodus 20:12 Eer jou vader en jou moeder 1 KorintiÉrs 12:26b en as een lid geéer word, is al die lede saam bly. Deur n pertinente en openbare huweliksluiting handhaaf ons as gelowiges ook n duidelike grens tussen sedelik en onsedelik. Filippense 2:15 Sorg dat julle bo alle verdenking staan en opreg bly, onberispelike kinders van God te midde van ontaarde en korrupte mense. Enkele argumente van saamwoners weerlê Argument 1 Die Here skryf nårens n pertinente trou-seremonie voor nie. Antwoord Dit is reg, daar is nie n teks wat dit in soveel woorde voorskryf nie. Ons as kinders van die Here, leef egter nie net van pertinente tekste nie. Ons leef ook van die hele strekking van die geskrewe openbaring van God. Ons lei dus wettig uit gegewens in die Bybel wat hierbo bespreek is af dat die oortuigings en handelinge wat daar genoem is, deel van n huweliksluiting moet wees. 3

4 Hierdie sake kan sekerlik op meer as een manier deel van n huweliksluiting gemaak word, maar die saamwoonmanier voldoen nie aan hierdie vereistes nie. Argument 2 Ons is nou wel nie in die kerk of voor n landdros getroud nie, maar ons is in die oé van die Here getroud. Antwoord As n huweliksluiting nie aan die vereistes van die Here se Woord beantwoord nie, kan n mens tog nie in Sy oé getroud wees nie. In elk geval wys die praktyk dat selfs die paartjies wat hierdie argument gebruik, hulle verhouding tog nie as n getroude lewe hanteer nie, byvoorbeeld: hulle ervaar die einde van so n saamwoon-verhouding nie as n egskeiding nie; hulle stel mekaar nie aan ander mense as my man of my vrou voor nie; hulle noem mekaar se ouers nie pa en ma soos wat getroudes gewoonlik doen nie. Argument 3 Ons woon saam want ons beskou dit as n proeftydperk. As ons sien dat ons nie met mekaar in die huwelik sal regkom nie, spaar ons mekaar die trauma van n egskeiding. Antwoord 4

5 Kom ons wees eerlik: omtrent al wat getoets word in n saamwoonsituasie wat nie in n normale Christelike verlowing getoets word nie, is die seksuele deel van die verhouding. Juis düt mag egter volgens die Bybel nie buite n huwelik beoefen en dus getoets word nie. Hierdie faset mag in elk geval ook nie die finale toets vir n huwelik wees nie: 1 Tessalonisense 4:4-5 (OAV) dat elkeen van julle moet weet om sy eie vrou te verkry in heiligheid en eer, nie in hartstogtelike begeerlikheid soos die heidene wat God nie ken nie. Argument 4 Waarom sonder julle as kerkraad hierdie sonde uit bo al die ander? Antwoord Dit is nie regtig so dat ons as kerkraad hierdie sonde uitsonder nie. Ons tree met Christelike vermaning en tug op in alle gevalle waar sondes aan ons bekend word. Baie sondes is egter van so n aard dat n mens nie daaroor kan oordeel nie, net God kan dit bestraf, byvoorbeeld sondes in die gedagtes van mense, en sondes van skynheiligheid. Daar is ook gevalle waar mense doelbewus hulle sondes vir die kerkraad (die ouderlinge en predikant) wegsteek en die kerkraad dus nie daarvan weet nie. Dan kan n kerkraad nie daarteen optree en sulke lidmate tot inkeer oproep nie. In sulke gevalle behoort ander lidmate wat wel daarvan weet, te doen wat die Here Jesus ons in Matteus 18:15 e.v. beveel het. n Paar woorde aan saamwoners Weeg julle redes waarom julle nie trou nie geld, praktiese omstandighede, ens. regtig swaarder as die wil van die Here? 5

6 Waarom trou julle nie maar sodat julle ouers en die gemeente en julle eie gewetens tot rus kan kom nie? Onthou die bekende woorde van die Here Jesus: Matteus 6:33 beywer julle allereers vir die koninkryk van God en vir die wil van God, dan sal Hy julle ook al hierdie dinge gee. Ons roep julle uit liefde op: Erken julle sonde en bely dit met opregte berou voor die Here, en glo dat Hy julle sal vergewe. 1 Johannes 1:9 Maar as ons ons sondes bely, Hy is getrou en regverdig, Hy vergewe ons ons sondes en reinig ons van alle ongeregtighede. Bekeer julle van hierdie sonde deur so spoedig moontlik te trou. 1 Johannes 5:3 Die liefde vir God bestaan dan daarin dat ons sy gebooie gehoorsaam. As julle nie dadelik n onthaal kan reél nie, wat van n eenvoudige trouseremonie in die kerk nou, en n feestelike viering van julle verbintenis by n later geleentheid? Om die erns te toon van die Christelike liefde waarmee ons aandring op bekering, sal die kerkraad julle in die Naam van die Here vermaan en waarskynlik van die nagmaal afhou totdat julle die saak reggestel het. Dit alles is deel van die opdrag wat die Here ons gegee het en wat ons in gehoorsaamheid aan Hom moet en wil uitvoer: HebreÉrs 13:17 Julle voorgangers hou wag oor julle lewe en moet aan God rekenskap gee. Wees gehoorsaam en onderdanig aan hulle 6

7 Dit is werklik die bediening van die liefde van die Here wat maak dat ons julle nie maar net kan laat begaan nie: HebreÉrs 12:6 want die Here tug hom wat Hy liefhet Hoe kan ons as kerk geloofwaardig wees as ons nie ook bereid is om dit wat ons glo, te handhaaf nie? Dink ook eers mooi as jy dit dalk oorweeg om as gevolg van ons optrede na n ander kerk toe te gaan. Probeer jy nie dalk maar net om op hierdie manier van die Here se eise los te kom nie? Watter ware kerk sal in elk geval dit wat teen God se Woord ingaan, goedkeur? Ons bid vir julle. n Paar woorde aan ouers van saamwoners Al het u u kind baie lief, hoef u dit nooit goed te keur dat hy/sy saamwoon nie. Ons liefde vir die Here weeg mos swaarder as ons liefde vir ons kinders (Luk. 14:26). U hoef egter nie u kind te verstoot as hy/sy saamwoon nie. Die verdraagsaamheid van die hemelse Vader teenoor Sy kinders is hierin vir ons n voorbeeld (bv. 2 Pet. 3:15). Herinner u kind aan die Here se wil in die gesindheid van GalasiÉrs 6:1: as iemand in een of ander sonde val, moet julle wat julle deur die Gees laat lei, so iemand in n gees van sagmoedigheid reghelp. Stel ook altyd vir u kind n voorbeeld van ware vroomheid. Moet asseblief nie die sonde van u kind help wegsteek vir die herders (ouderling en predikant) van u kind se gemeente nie. Hulle is tog deur die Here geroep om te sorg vir die geestelike welsyn van u kind. 7

8 n Paar woorde aan elke ander lidmaat Dit mag gebeur dat u van n saamwonery van n mede-lidmaat weet waarvan die kerkraad nie weet nie, omdat dit dalk nie algemeen bekend is nie. Kom asseblief u Christelike plig na: Gaan praat self met die betrokkene. Verwittig die wyksouderling van die betrokke persoon of die predikant van die situasie. Gedeeltes soos Matteus 18:15 e.v., 1 KorintiÉrs 5:7 en 2 Tessalonisense 3:14-15 wys dat ons verkeerde dinge onder kinders van die Here nie maar net mag ignoreer nie. Ons is mos mekaar se oppassers: HebreÉrs 10:24 Laat ons ook na mekaar omsien deur mekaar aan te spoor tot liefde en goeie dade. Slot Indien iets onduidelik is, of indien u nog meer inligting wil hö, tree asseblief met een van die ouderlinge of met die predikant in verbinding. Ons sal graag wil help. Met seénwense. Namens die kerkraad: SD Snyman Voorsitter PG Prinsloo Skriba Januarie