Ontmoeting 13. Wyding. Woord. Welkom

Transcriptie

1 Ontmoeting 13 Saulus word deur God se lig aangeraak en sy lewe word verander. Na sy ontmoeting met God het hy sy lewe aan God gewy. Waar hy eers mense wat in God geglo het, vervolg het, sit hy nou aan die anderkant en is hy die een wat vervolg word. Hierdie semester gaan ons op reis saam met Paulus. Ons stap saam met hom in God se lig. Hulpmiddels: Verskillende soorte klere en bykomstighede soos n serp, hoed en bril Sjokolade Mes en vurk Bordjie om sjokolade op te sit Dobbelsteen Tafel Fotoraam (groot genoeg vir figure om in te pas) Wit doek Duimdrukkers Lessenaar lampie Stutte om raam regop te hou Figure gekopieer op karton Draad om aan figure vas te maak Ekstra silhoeët figure vir die kinders Karton vir boeie Krammasjien Verbind-die-kolletjies -aktiwiteitsblad Welkom Laat die kinders in n groot sirkel sit. Plaas n hoop klere en n sjokolade met n mes en vurk daarby op n bordjie. Gee vir n kind n dobbelsteen om te gooi. Die eerste kind wat n 6 gooi, kan die sirkel binnehardloop, al die klere aantrek en die sjokolade met die mes en vurk begin eet. Sodra die volgende kind n 6 gooi, moet die een wat alreeds binne die sirkel is, die klere dadelik uittrek en vir die volgende kind kans gee om aan te trek en van die sjokolade te eet. Speel vir ongeveer 5 tot 10 minute, of totdat almal n beurt gehad het. Vra na afloop van die speletjie die volgende vraag aan die kinders: As jy een ding aan jouself kon verander, wat sou dit wees? Ons kan nie verander hoe ons lyk nie, maar ons kan verander hoe ons dink en optree. Ons storie vandag gaan oor n man wat verander het. Hy het nie meer gedink en opgetree soos vroeër nie. Wyding Temalied: Ek wandel in die Lig van God I have decided to follow Jesus Stilword-ritueel: Laat die kinders hul oë toemaak. Laat hulle kyk na die donker en lig patrone binne die ooglede. Sê na 20 tellings in n rustige stem (terwyl hul oë toebly): God se lig skyn altyd voor ons, of dit donker of lig in ons lewe is. Vra God om die donker dinge in jou lewe vir jou te wys en jou te help om dit weg te neem. Kom ons volg Paulus op sy pad. Woord Maak vooraf die hulpmiddels sodat jy die skadusilhoeëtte kan uitbeeld tydens die vertel van die storie. Die instruksies en die skadubeelde is aan die einde van die ontmoeting. Verhaal: (Wys figuur 1 agter die skerm.) n Vriendelike, stewige mannetjie met n bleskop, krom bene en aanmekaarlopende wenkbroue met n effens geboë neus... dis hoe mense Saulus beskryf het. Hy beskryf homself egter soos volg: Ek is n Jood, gebore in Tarsus, in die Romeinse provinsie Silisië en ek is n burger van n baie belangrike stad. My opvoeding was in alle opsigte Joods. Ek is ook uit n familie aan wie Romeinse burgerskap verleen is en ek

2 is besonder trots op hierdie voorreg. My naam is Saulus in Hebreeus, maar Paulus in Grieks. Julle moenie deurmekaar raak nie; of mense my nou Saulus of Paulus noem, dis nog altyd net ek. Ek het skoolgegaan in Jerusalem waar ek die strengste wette van die Jode geleer het. Ek was so entoesiasties oor die tradisies van my volk dat jy kon sê ek het eerste gestaan in my klas. Omdat die Christene wegbeweeg het van die wettiese godsdiens van die Jode (die Jode het baie streng reëls gehad oor byvoorbeeld wat hulle kon eet en hoe hulle moet optree) het Saulus en sy mede- Farisieërs besluit dat hulle moet optree teen hierdie mense. Daarom het Saulus begin om die Christene te vervolg. (Wys figuur 2 saam met figuur 1 agter die skerm.) Saulus wou die volgelinge van Jesus doodmaak en het daarom na die hoëpriesters toe gegaan. Hy het briewe aan die sinagoges in Damaskus gevra waarin hulle versoek word om hom te help om Christene op te spoor en hulle geboei na Jerusalem toe te bring. Hulle het vir hom die briewe gegee en hy het Damaskus toe vertrek. Toe hy naby Damaskus kom, het daar skielik n lig uit die hemel op hom geskyn. (Skyn n flitslig direk teen die lap). Hy het op die grond neergeval en n stem vir hom hoor sê (wys figuur 3): Saul, Saul, waarom vervolg jy my? Wie is U, Here? het hy toe gevra. Ek is Jesus, antwoord Hy. Dis vir Mý wat jy vervolg! Staan nou op en gaan die stad in. Dáár sal vir jou gesê word wat jou te doen staan. Die mans saam met hom was sprakeloos van verbasing, want hulle het iemand se stem gehoor, maar niemand gesien nie. Saulus het van die grond af opgestaan en alhoewel sy oë oop was, kon hy niks sien nie. Sy reisgenote is Damaskus in terwyl hulle hom aan die hand lei. (Wys figuur 4.) Hy was drie dae lank daar sonder om te sien, en hy het ook niks geëet of gedrink nie. Daar was n gelowige in Damaskus met die naam Ananias. Die Here het hom in n gesig geroep: Ananias! Ja, Here! het hy geantwoord. Daarop sê die Here vir hom: Gaan nóú Reguitstraat toe, na Judas se huis. Vra daar na Saulus van Tarsus. Hy is besig om tot My te bid (wys figuur 5). Ek het hom in n gesig laat sien dat n man met die naam Ananias inkom en sy hande op hom sit sodat hy weer kan sien. Maar Ananias het geantwoord: Here, ek het al by baie mense van hierdie man gehoor watter kwaad hy die gelowiges in Jerusalem aangedoen het! En ons hoor hy het n mandaat van die leierpriesters om al die gelowiges hier in Damaskus te arresteer. Die Here het egter vir hom gesê: Gaan doen wat Ek sê, want Ek het Saulus as my instrument uitgesoek om my boodskap uit te dra na volke en konings, en ook aan die volk Israel. Ek sal inderdaad self vir hom wys hoeveel hy vir My moet ly. Ananias het toe vertrek en in daardie huis ingegaan. Hy het sy hande op Saulus gesit en gesê (wys figuur 6): Broer Saul, die Here het my gestuur, Jesus wat aan jou verskyn het op pad hierheen. Hy het my gestuur sodat jy weer kan sien en met die Heilige Gees vervul kan word. Onmiddellik het iets soos skille van Saulus se oë afgeval en hy kon weer sien. Hy het opgestaan en is gedoop. Hy het toe kos geëet en sy kragte begin herwin. Kinders kry tyd om oor die verhaal te dink: 1. Ek wonder wat vir jou mooi was van die verhaal. 2. Ek wonder waar jy jouself in hierdie storie sou sien. 3. Ek wonder wat sou jy gedoen het as God so aan jou verskyn het. 4. Ek wonder hoe jou lewe anders gaan wees na die storie. Werskaf Kinders teken hulle eie silhoeët figure of kopieer die figure wat tydens die storie gebruik is. Maak die boeie om te wys dat die Christene gevang is. (Volg die instruksies aan die einde van hierdie ontmoeting.) Verbind-die-nommers -prentjie van Saulus op pad na Damaskus. Sluit af met die seënbede: Die Here sal Sy lig elke dag op jou laat skyn sodat jy kan weet wat reg en wat verkeerd is. Amen.

3 Instruksies vir die skadubeelde: Kopieer en plak die figure op karton. Plak n stuk draad aan elke figuur sodat jy die figure agter die skerm kan laat beweeg. Neem n fotoraam waarvan die glas verwyder is en waarbinne die figure gemaklik sal pas. Kap n dun wit lap met duimspykers teen die raam vas. Plaas 2 stutte aan die kant van die raam wat dit regop sal hou, sodat dit op sy eie kan staan. Neem n lessenaarlampie en skyn dit aan die agterkant van die raam. Staan agter die tafel waarop die skerm is en beweeg die figure so naby as moontlik aan die lap volgens die verloop van die storie. Probeer om die kamer of vertrek so donker as moontlik te maak sodat die lampie die silhoeëtte sterk sal afwys. (Gebruik die skets hieronder as riglyn.) figuur 1 figuur 2 figuur 3

4 figuur 4 figuur 5 figuur 6

5

6 Instruksies om boeie te maak: Benodigdhede: 2 stroke karton van ± 25 cm X 5 cm ± 11 of 12 stroke karton van ± 3 X 19 cm (Ek het sommer die agterkante van leë eksamenblokke hersirkuleer vir hierdie stroke karton.) Kramdrukker Vou die groot stroke karton oormekaar en kram vas. Neem 1 kleiner strook en kram dit aan een van die grotes vas. Gaan voort om nuwe stroke aan die voriges vas te kram om n ketting te vorm. By die laaste skakel moet n mens versigtig die voorlaaste EN die ander los groot sirkel (van die begin) saam deur die strook karton sit voordat n mens dit vaskram. n Voorbeeld op die internet wat as inspirasie gedien het..