LUKAS 10 TRANSFORMASIE VIR DIE JEUG IN JESUS OPLEIDINGSGIDS

Transcriptie

1 LUKAS 10 TRANSFORMASIE VIR DIE JEUG IN JESUS OPLEIDINGSGIDS

2 VOORWOORD TOT DIE L-10-T OPLEIDINGSGIDS Baie welkom by L-10-T, n opwindende en lewensveranderende opleidingskursus! L-10-T daag JOU uit om n radikale nuwe lewenswyse in Christus te aanvaar! L-10-T lei jou tot n lewenswyse waarin jy daagliks Jesus Christus in jou doen en late kan volg. Waar jy ookal gaan kan jy Hom naboots op n manier wat vir jou moontlik is in jou interaksie met vriende en selfs vreemdelinge. L-10-T laat die Heilige Gees toe om in en deur jou te werk op maniere wat jy nooit te vore as moontlik beskou het nie! L-10- T laat toe dat jou geloof in Christus skoene kry wat dan uit jou huis of gemeente beweeg na die plekke waar jy werk, swot, speel of uithang. Ek bid dat JY die uitdaging gaan aanvaar om van Maandag tot Saterdag, waar jy ookal beweeg, te L-10-T. Ja, dat jy moontlik selfs gewillig sal wees om jou reputasie op die spel te plaas, deur in die openbaar jou knieë te buig voor DIE EEN wat Sy lewe doelbewus verloor het, sodat JY vir ewig mag lewe! KOMAAN! Daar is nie meer tyd te mors nie! Willem Joubert 2

3 L-10-T Lukas 10 Transformasie Inleiding L-10-T is n opwindende en radikale nuwe manier vir jongmense (jonger as 100 jaar) om Jesus te volg op n wyse wat deur Jesus self omtrent jaar gelede vir ons gegee is! Met L-10-T kan jy en Die Heilige Gees die Goeie Nuus vertel waar jy ookal gaan by die skool, kollege, universiteit, werk, fliek, klub of waar jy ookal met jou vriende uithang En slegs indien nodig woorde gebruik! Almal kan L-10-T! Kwalifikasies? Jy moet jouself verbind het om Jesus te volg met alles wat in jou is. Dus het jy reeds jou lewe verbind tot n lewenstyl sonder reputasie? 3

4 Maak Seker! My Persoonlike verbintenis tot Jesus Christus HERE Jesus, Ek bid nou tot U en gee U my woord dat: Ek U lief het en altyd wil volg. Ek weet ek doen gedurig dinge verkeerd en teen U wil en is werklik jammer oor my sonde. Vergewe asseblief die sonde waarmee ek gebore is, reeds gedoen het en wat ek steeds mag doen. Ek wil U volg en u lewenstyl naboots. Aanvaar my as U dissipel en leer my terwyl ek U volg, met U praat en U geskrewe storie en opdragte bestudeer. Naam Handtekening Datum 4

5 Les 1 Waarom L-10-T? Jesus was n radikale dertigjarige in die gemeenskap waarin Hy gelewe het! Hy was nie iemand se pa of n predikant of pastoor nie - Hy was een van ons! Maar Hy was GOD! Hy het n perfekte verhouding met Sy Vader God gehad. Hy het n lewenstyl sonder reputasie vir Sy Vader geleef. Hy het al ons sondes op Homself geneem en vir ons gesterf. Sy voorwaarde was dat ons sy lewenswyse moet naboots! Hoe wys jou huidige lewenswyse dat jy Jesus volg? Hy het twaalf dissipels opgelei gewone ouens soos ek en jy! Hy het hulle gekies om Sy boodskap tot in elke land op aarde te neem. Hy het ook twee-en-sewentig ander ouens (sewentig in die Ou Afrikaanse Vertaling) gestuur om sy boodskap voor Hom uit te neem. Hulle is die voorbeeld wat ons wil volg terwyl ons L-10-T in die huidige moderne lewe! Lees Lukas 10: Daarna het die Here twee en sewentig ander aangewys en hulle twee-twee voor Hom uit gestuur na elke dorp en plek waarheen Hy van plan was om te gaan. 2 Hy het vir hulle gesê: Die oes is groot, maar die arbeiders min. Bid dan die Here aan wie die oes behoort, om arbeiders uit te stuur vir sy oes. 3 Gaan nou! Maar onthou: Ek stuur julle soos lammers tussen wolwe in. 4 Moenie n beurs of n reissak of skoene saamdra nie, en moenie langs die pad met groetery tyd verkwis nie. 5 As 5

6 julle in n huis kom, moet julle eerste woorde wees: Vrede vir hierdie huis. 6 As daar iemand woon vir wie die vrede bestem is, sal die vrede op hom bly; so nie, sal dit na julle toe terugkom. 7 Moenie van een huis na die ander trek nie, maar bly in dieselfde huis, eet en drink wat hulle voorhande het, want die arbeider is geregtig op sy loon. 8 As julle in n dorp kom en hulle ontvang julle, eet dan wat hulle vir julle voorsit. 9 Maak die siekes daar gesond en sê vir die mense: Vir julle is die koninkryk van God baie naby! Wat tref jou die meeste in bogenoemde verse? Voor Jesus opgevaar het na Sy Vader in die hemel toe het Hy n belangrike opdrag aan Sy dissipels en deur hulle aan ons gegee genoem die Groot Opdrag: 19 Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en 20 leer hulle om alles te onderhou wat Ek julle beveel het. (Mat 28:19-20a) Hoe goed voer JY die Groot Opdrag huidiglik uit? 6

7 Jesus het ook al die wette en opdragte van God in twee Groot Gebooie opgesom. Lees Mat 22: Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand. 38 Dit is die grootste en die eerste gebod. 39 En die tweede, wat hiermee gelyk staan, is: Jy moet jou naaste liefhê soos jouself. 40 In hierdie twee gebooie is die hele wet en die profete saamgevat. Die Groot Gebooie reguleer ons verhouding met en met. In Mat 25:31-46 gee Jesus ons n duidelike prentjie (amper soos n videosnit) oor wat op die Oordeelsdag gaan gebeur wanneer alle mense (ons ingesluit) voor Hom as Regter gaan staan. Die beeld wat Jesus skets laat Hy geen onduidelikheid oor wat Hy bedoel met liefde en diens aan minder bevooregte mense nie: 31 Wanneer die Seun van die mens in majesteit kom en al die engele saam met Hom, sal Hy op sy koninklike troon gaan sit. 32 Al die volke sal voor Hom bymekaar gebring word, en Hy sal die 7

8 mense van mekaar skei soos n wagter die skape van die bokke skei. 33 Die skape sal Hy regs en die bokke links van Hom laat staan. 34 Dan sal die Koning vir dié aan sy regterkant sê: Kom, julle wat deur my Vader geseën is! Die koninkryk is van die skepping van die wêreld af vir julle voorberei. Neem dit as erfenis in besit, 35 want Ek was honger, en julle het My iets gegee om te eet; Ek was dors, en julle het My iets gegee om te drink; Ek was n vreemdeling, en julle het My gehuisves; 36 Ek was sonder klere, en julle het vir My klere gegee; siek, en julle het My verpleeg; in die tronk, en julle het My besoek. 37 Dan sal dié wat die wil van God gedoen het, Hom vra: Here, wanneer het ons U honger gesien en U gevoed, of dors en U iets gegee om te drink? 38 En wanneer het ons U n vreemdeling gesien en U gehuisves, of sonder klere, en vir U klere gegee? 39 Wanneer het ons U siek gesien of in die tronk en U besoek? 40 En die Koning sal hulle antwoord: Dit verseker Ek julle: Vir sover julle dit aan een van die geringste van hierdie broers van My gedoen het, het julle dit aan My gedoen. 41 Dan sal die Koning vir dié aan sy linkerkant sê: Gaan weg van My af, julle vervloektes! Gaan na die ewige vuur wat vir die duiwel en sy engele voorberei is, 42 want Ek was honger, en julle het My niks gegee om te eet nie; Ek was dors, en julle het My niks gegee om te drink nie; 43 Ek was n vreemdeling, en julle het My nie gehuisves nie; sonder klere, en julle het My nie klere gegee nie; siek en in die tronk, en julle het My nie versorg nie. 44 Dan sal hulle ook antwoord: Here, wanneer het ons U honger of dors of n vreemdeling of sonder klere of siek of in die tronk gesien en U nie gehelp nie? 45 En Hy sal hulle antwoord: Dit verseker Ek julle: Vir sover julle dit aan een van hierdie geringstes nie gedoen het nie, het julle dit aan My ook nie gedoen nie. 46 En hierdie mense sal die ewige straf 8

9 ontvang, maar dié wat die wil van God gedoen het, die ewige lewe. Watter minder bevooregtes of geringes is op Jesus se hart? In verse maak Jesus dit duidelik dat waar waar sulke geringes geminag is Hy dit beskou dat die minagters self geminag het. Dit beklemtoon die belangrikheid van die Tweede Groot Gebod! Kom ons lees Mat 7: Nie elkeen wat vir My sê: Here, Here, sal in die koninkryk van die hemel ingaan nie, maar net hy wat die wil doen van my Vader wat in die hemel is. 22 Baie sal daardie dag vir My sê: Here, Here, het ons dan nie in u Naam gepreek nie, deur u Naam bose geeste uitgedryf en deur u Naam baie wonders gedoen nie? 23 Dan sal Ek openlik vir hulle sê: Ek het julle nooit geken nie. Gaan weg van My af, julle wat die wet van God oortree. 9

10 GOD wil nie noodwendig hê ons moet groot dade in Sy Naam doen nie nee, Hy is meer bekommerd dat Hy jou persoonlik sal. Een van die maklikste maniere om die HERE te ken en deur Hom geken te word is deur gereelde met Hom deur. Lees John 15:9-16a 9 Soos die Vader My liefhet, het Ek julle ook lief. Julle moet in my liefde bly. 10 As julle my opdragte uitvoer, sal julle in my liefde bly, net soos Ek die opdragte van my Vader uitvoer en in sy liefde bly. 11 Dit sê Ek vir julle sodat my blydskap in julle kan wees en julle blydskap volkome kan wees. 12 Dit is my opdrag: Julle moet mekaar liefhê soos Ek julle liefhet. 13 Niemand het groter liefde as dit nie: dat hy sy lewe vir sy vriende aflê. 14 Julle is my vriende as julle doen wat Ek julle beveel. 15 Ek noem julle nie meer ondergeskiktes nie, want n ondergeskikte weet nie wat sy baas doen nie. Nee, Ek noem julle vriende, omdat Ek alles wat Ek van my Vader gehoor het, aan julle bekend gemaak het. 16 Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou. Jesus plaas die voorwaardes van die tweede Groot Gebod op n hoër vlak deur te sê dat ons mekaar moet liefhê soos liefhet. 10

11 Wat behoort jy te doen om Jesus se vriend genoem te word? Met die kennis wat jy nou het kan jy werklik begin om God te dank vir wat Hy alles vir jou gedoen het. Bid die volgende gebed daagliks voor jy jou aktiwiteite by die skool, universiteit of werk begin: DANKIE, HERE! HERE, ek buig my knieë in nederigheid voor U Ek weet U liefdevolle teenwoordigheid sal met my wees gedurende hierdie dag. Dankie dat U U liefde oor my sal uitstort vandag. Ek is vir U ook lief! Amen (37 Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand. (Mat 22:37)) 11

12 Les 2 STAP 1:SEЁN Wat is die betekenis daarvan om die HERE se seën of vrede op n plek af te bid? Die HERE se seën of vrede bring: L-10-T se eerste stap is om die HERE se seën of vrede te vra op elke plek waar jy van Maandag tot Vrydag gaan (en natuurlik Sondag ook!). Vra dat God se seën of vrede op die plek of organisasie sal rus, op sy bestuur, werknemers, kliënte, deelnemers, hul familie en wie ook al daar is. Hierdie gebed word gewoonlik stil gedoen en baie keer met oop oë. As n vriend by jou is kan julle hardop bid (jy kan natuurlik alleen ook hardop bid) en selfs 30KD. (30KD is Thirty second Kneeldown n program wat die jeug uitdaag om vir dertig sekondes in hul skool neer te kniel en te bid sien les 7) Die HERE, raak hulle aan! gebed (uit 30KD) kan ook op hierdie stadium gedoen word: HERE, raak hulle aan! HERE, raak die onderwysers, werknemers, en studente (of wie ook al in die plek is waar jy is) op hierdie plek (bv my skool) aan vandag. Een aanraking van U, Vader, kan iemand 12

13 se hele toekoms vandag verander. Raak hulle aan deur hierdie gebed of enige manier waarop u my daarvoor wil gebruik. Amen Hierdie gebed is n uitdrukking van die Tweede Groot Gebod, want die grootste geskenk wat jy iemand kan toebid is die HERE se seën, aanraking of vrede. Om te verstaan wat God onder seën bedoel en belowe, kyk ons na Deut 28: As jy goed luister na die Here jou God en jy gehoorsaam al sy gebooie wat ek jou vandag gee, en jy lewe daarvolgens, sal die Here jou God jou oor al die nasies van die aarde stel. 2 As jy luister na die Here jou God, sal al hierdie seëninge oor jou kom en jou lewe verryk. 3 Jy sal geseën wees in die stad, jy sal geseën wees in die oop veld. 4 Jou nageslag sal geseën wees, en die opbrengs van jou lande en die aanteel van jou diere, jou kalweroes en jou lammeroes. 5 Jou oesmandjie en jou knieskottel sal geseën wees. 6 Jy sal geseën wees waar jy ook gaan. 7 Die Here sal jou vyande wat jou aanval, vir jou laat vlug. Hulle sal uit een rigting teen jou opruk, maar in talle rigtings voor jou uit vlug. 8 Die Here sal die seën beveel om oor jou te kom, oor jou graanskure en oor alles wat jy aanpak. Die Here jou God sal jou seën in die land wat Hy aan jou gee. 9 As jy die gebooie van die Here jou God gehoorsaam en sy wil doen, sal Hy jou in stand hou as sy heilige volk soos Hy met n eed aan jou beloof het. 10 Al die volke op die aarde sal weet dat die Naam van die Here oor jou uitgeroep is, en hulle sal bang wees vir jou. 11 Die Here sal jou oorlaai met die goeie: met n nageslag, met die aanteel van jou vee, met die opbrengs van jou grond in die land wat die Here met n eed aan jou voorvaders beloof het om aan jou te gee. 12 Die Here sal sy 13

14 goeie voorraadskuur, die hemel, vir jou oopmaak om vir jou land reën te gee op die regte tyd, om alles wat jy doen, te seën. Dan sal jy aan baie nasies kan leen, maar self sal jy nie hoef te leen nie. 13 As jy luister na die Here jou God se gebooie wat ek jou vandag gee, as jy hulle gehoorsaam en daarvolgens lewe en nie ander gode aanhang en dien en so afwyk van alles wat ek jou vandag beveel nie, sal die Here jou God jou die kop maak, nie die stert nie, en sal jy altyd bo wees, nie onder nie. Wat tref jou die meeste in bogenoemde verse? Daar is niks wonderlikers wat met n persoon, organisasie, stad of land kan gebeur as die HERE se nie! Lees 1 Tim 2:1-3 1 Ek dring daarop aan dat daar in die eerste plek met smeking, voorbidding en danksegging gebid moet word vir alle mense, 2 vir dié wat regeer en vir almal wat gesag uitoefen, sodat ons n rustige en stil lewe kan lei in volkome toewyding aan God en in alle eerbaarheid. 3 So is dit goed en aanneemlik vir God, ons Verlosser, Wat tref jou die meeste in bogenoemde verse? 14

15 Die HERE is ernstig daaroor dat ons in die plek verskillende tipes vir alle mense moet en veral vir hulle in. Lees Jer 29:7 7 Bevorder die belange van die stad waarheen Ek julle in ballingskap weggevoer het, bid tot My vir daardie stad, want sy belange is ook julle belange. Wat tref jou die meeste in bogenoemde verse? Die HERE ernstig daaroor dat ons tot Hom vir moet bid waar ons ons bevind al is dit teen ons wil. Inteendeel, hy beveel ons om daarvoor te bid want die plek se is ook ons. Lees Mat 5: Julle het gehoor dat daar gesê is: Jou naaste moet jy liefhê en jou vyand moet jy haat. 44 Maar Ek sê vir julle: Julle moet julle vyande liefhê, en julle moet bid vir dié wat vir julle vervolg, 45 sodat julle kinders kan wees van julle Vader in die 15

16 hemel. Hy laat immers sy son opkom oor slegtes en goeies, en Hy laat reën oor dié wat reg doen en oor dié wat verkeerd doen. 46 As julle net dié liefhet wat vir julle liefhet, watter loon kan julle dan nog verwag? Maak die tollenaars nie ook maar net so nie? 47 En as julle net julle broers groet, wat doen julle meer as ander? Maak die heidene nie ook maar net so nie? 48 Wees julle dan volmaak soos julle hemelse Vader volmaak is. Wat tref jou die meeste in bogenoemde verse veral vers 44? Weer eens verhoog Jesus die hoogte van die hoogspringlat van die liefde! Deur Sy voorbeelde begin ons Sy hart en die hart van die Vader verstaan. Jesus mik vir niks minder as volmaaktheid soos die as ons ideaal nie. Komaan! Kom ons volg Hom! Iets anders mag egter in ons pad staan: Lees Mat 6:12, en vergeef ons ons oortredings soos ons ook dié vergewewat teen ons oortree; As julle ander mense hulle 16

17 oortredings vergewe, sal julle hemelse Vader julle ook vergewe. 15 Maar as julle ander mense nie vergewe nie, sal julle Vader julle ook nie julle oortredings vergewe nie. Wat tref jou die meeste in bogenoemde verse? As ons die HERE se seën of vrede toebid is dit belangrik dat ons nie teenoor iemand is nie. Wees vry! Om wrokke of griewe teen mense te hou is soos kettings wat jou vasbind! Gee dit vir die HERE en raak vry! Het jy dalk enigiets teen iemand wat jy nog nie vergewe het nie? Vra die HERE nou om jou te help om die persoon te vergewe en die las vir die HERE te gee. 17

18 Les 3 STAP 2: SAMESYN Stap 2 (Samesyn - Eng. Fellowship) is nou rêrig lekker. Jesus verwag van ons met die mense rondom ons vriende te maak en te kuier! Ons moet dit doen oral waar ons gaan ons moet gewone mense wees wat gewone goed soos meeste mense doen. Vir die arme twee-en-sewentig dissipels in Jesus se tyd was hierdie n verskriklike opdrag want hulle het n klomp godsdienstige reëls oor kos gehad! Ons het gelukkig nie soveel kosreëls nie. Wanneer n mens kuier of by die skool, universiteit of werk is, is dit belangrik om nie kompromieë aan te gaan wat jou Christelike waardes betref nie bv om dwelms te gebruik, seks voor jy getroud is, vloek of vuil grappe vertel, of so iets. Kan jy dink aan enige iets wat jy dalk doen tussen jou vriende wat jy nie behoort te doen as jy sonder woorde Jesus se voorbeeld wil stel nie? Wees vriendelik en normaal en gebruik die taal van die groep waar jy is. Vermy Christelike uitdrukkings wat vir nie- 18

19 Christene vreemd mag klink bv Ek is gewas in die bloed van die Lam Dink ook aan ander woorde of uitdrukkings wat jy tussen mense gebruik wat hulle van Jesus sal afsit omdat jy dit gebruik. Is jou taal van so aard (al is dit op die vlak van jou portuurgroep) dat jy dit voor Jesus kan gebruik? (Terloops, Hy is daar, jy sien Hom net nie!) Wat is die doel van Stap 2? Om vriendskap en daardeur vertroue by mense te bou as n gewone mens. 19

20 Les 4 STAP 3: BEVREDIG BEHOEFTES Wat verstaan jy omtrent die bevrediging van behoeftes? In Stap 3 reageer jy op die onmiddellike behoeftes van die mense wat jy ontmoet waar jy ookal van maandag tot Saterdag beweeg. Een van jou vriende of mense wat jy hoor praat mag moontlik n behoefte uitspreek soos n ouer wat siek geword het; n persoon wat nie die geld het om n taxi/bus huis toe te kan neem nie; n persoon wat sy werk verloor het; wat n familielid aan die dood afgestaan het; wat geld benodig om verder te studeer; wie se troetedier verlore geraak het; of enige ander behoefte. As jy van so n behoefte hoor, kan jy dan, op n aangewese tyd, die persoon help deur fisies (bv deur geld te gee) of emosioneel (bv deur te vertroos) die persoon te ondersteun en/of vir die persoon en die situasie te bid en daardeur Sy Groot Helpende Hand in die situasie in te bring. Daar is drie vlakke van gebed in Stap 3: 1 Jy kan sag of met n vriend bid (almal kan dít doen!) 2 Jy kan die persoon vra of jy vir die behoefte vir hom/haar kan bid. Indien die antwoord positief is kan jy n eenvoudige gebed vir die persoon doen, gewoonlik weg van ander mense af. 20

21 3 Jy kan n persoon vra of daar n sekere behoefte is waarvoor jy vir hulle kan bid (meeste mense het een of ander behoefte, al is dit net vir die vrede of seën van God). Die wonderlike daarvan om vir n behoefte te bid is dat meeste mense - Christen, Moslem, Hindoe, New Ager of ateïs altyd ja sal sê vir gebed! As die persoon nee sou sê? Wel dan sê jy OK draai weg en bid in elk geval saggies vir die situasie. Watter van die drie vlakke van gebed sou jy sê voel jy op die oomblik gemaklik mee? Hoekom? DOEN ROLLESPEL OM VLAKKE IN TE OEFEN Jy is nou gereed om op hierdie nuwe maar eenvoudige wyse te gaan omgee vir diegene rondom jou! Dit is ontsettend belangrik dat jy ook sensitief is vir die leiding van die Heilige Gees (deur Sy sagte stem wat jou in hierdie of daardie rigting lei) in enige situasie. Wees ook sensitief vir die gevoel van jou eie hart die Heilige Gees mag n sekere geval of tipe behoefte oor jou pad bring waaraan jy dalk meer aandag wil gee (bv mense wat MIV/VIGS het). 21

22 22

23 Les 5 STAP 4: VERTEL VAN JESUS Die vierde stap is om enige vraag wat iemand jou oor jou geloof vra; of oor die rede vir jou omgee; of waarom jy vir mense bid of waarom jy kniel as jy bid (30KD) - te beantwoord. Antwoord altyd net die persoon se vraag en niks meer nie! Baie mense word deur die Heilige Gees tot n positiewe besluit vir Jesus in hul lewens beweeg deur mense soos jy dop te hou. Hulle begin agterkom dat jy n Christen is. As hulle jou iets vra, wil hulle gewoonlik slegs die inligting hê waarvoor hulle vra. n Volgende vraag mag oor n paar weke vir jou of iemand anders gevra word! Lees 1 Kor 3:5-7: 5 Wat is Apollos dan? Wat is Paulus? Hulle is maar net dienaars deur wie julle tot geloof gekom het, en elkeen doen die werk soos die Here dit vir hom gegee het. 6 Ek het geplant, Apollos het natgegooi, maar dit is God wat laat groei het. 7 Dit gaan dus nie om die een wat plant of die een wat natgooi nie, maar om God wat laat groei. Wat tref jou die meeste in bogenoemde verse? 23

24 Lees Lukas 9:26 26 Elkeen wat hom vir My en my woorde skaam, vir hom sal die Seun van die mens Hom skaam wanneer Hy kom, beklee met sy heerlikheid en die heerlikheid van die Vader en van die heilige engele. Wat tref jou die meeste in bogenoemde verse? Ons moet altyd gereed wees om ons geloof in Jesus Christus in die te bely. Om seker te maak jy is daarop voorbereid om jou geloof of jou getuienis (hoe jy n toegeweide Christen geword het) te kan vertel (indien jy gevra word), skryf jou getuienis of rede vir geloof hieronder neer. (Niks langer as 3 minute nie) 24

25 Vertel dit nou vir iemand (as oefening) 25

26 Les 6 DIE TERUGKOMS DIE L-10-T EFFEK! L-10-T verander lewens eerstens jou eie en tweedens die van die mense met wie jy L-10-T. Dit behoort ons nie te verbaas nie! Kom ons lees wat die Lukas 10 dissipels gesê het met hul terugkeer: 17 Die twee en sewentig het vol blydskap teruggekom en gesê: Here, selfs die bose geeste onderwerp hulle aan ons by die hoor van u Naam. 18 Toe sê Hy vir hulle: Ek het die Satan soos n weerligstraal uit die hemel sien val. 19 Kyk, Ek het aan julle die mag gegee om op slange en skerpioene te trap en om die vyand met al sy geweld te oorwin, sonder dat iets julle enige leed aandoen. (Luke 10:17-19) Netso kom gewone mense soos ek en jy deesdae weekliks terug nadat hulle mense se lewens op die L-10-T eenvoudige wyse aangeraak het. Mense rapporteer met groot opgewondenheid hoe die HERE hulle toegelaat het om ander mense Jood en Mohammedaan op eenvoudige wyse met Hom in aanraking te bring. VOORBEELDE 26

27 Ons leer ook dat ons nie hoef te nie. Waneer jy begin L-10-T is dit goed om dit saam met n vriend te doen (Onthou dat Jesus die Lukas 10 dissipels twee-twee uitgestuur het). Jy hoef egter nie jou L-10-T te vertraag net omdat jy nie iemand by jou het nie! Probeer ALTYD n plek of persoon kry waar jy kan kom terugrapporteer oor wat met jou week se L-10-T gebeur het! Net soos die dissipels van ouds het ons nodig om te kan vertel en om aangemoedig te word en ook andere aan te moedig. Dit kan gebeur in die Christelike vereniging in jou skool of op jou kampus of by jou werk. Andersins in jou kleingroep, by die Sondagskool of op Sondae by jou gemeente. Lees Lukas 10: En tog moet julle nie bly wees net omdat die geeste hulle aan julle onderwerp nie, maar wees veral bly omdat julle name in die hemel opgeskryf is. 21 By daardie selfde geleentheid het Jesus deur die Heilige Gees dit uitgejubel: Ek prys U, Vader, Here van hemel en aarde, dat U hierdie dinge vir slim en geleerde mense verberg het en dit aan eenvoudiges bekend gemaak het. Ja, Vader, so was dit u genadige bedoeling. 22 My Vader het alles aan My toevertrou. Niemand weet wie die Seun is nie behalwe die Vader, en wie die Vader is nie behalwe die Seun en elkeen aan wie die Seun dit wil bekend maak. 23 Toe draai Jesus Hom na sy dissipels afsonderlik en sê vir hulle: Hoe bevoorreg is die oë wat sien wat julle sien, 24 want Ek sê vir julle: Baie profete en konings het daarna verlang om te sien wat julle nou sien, en hulle het dit nie gesien nie; en om te hoor wat julle nou hoor, en hulle het dit nie gehoor nie. 27

28 Wat tref jou die meeste in bogenoemde verse? Jesus waasku ons om nie van onsself te dink as ons L-10-T gebede verhoor nie. Jesus het sy vreugde teenoor die Vader en die twaalf dissipels uitgejubel oor dit wat gebeur het terwyl die tweeen-sewentig dissipels gel-10-t het! NETSO SAL JESUS DIT VANDAG EN ELKE WEEK UITJUBEL AS JY BEGIN L-10-T! L-10-T VEROORSAAK N GEESTELIKE STRYD IN DIE HEMELE! 28

29 Les 7 OPPAD NA 30KD Na gelang jy vordering maak met die L-10-T-ery, mag jy begin voel (deur jou vriende of die Heilige Gees) dat jy nou gereed is om jou hele reputasie op die spel te plaas deur in die openbaar (bv by die skool) te bid terwyl jy neerkniel (net vir 30 sekondes). Jy mag dit op die skoolgronde, kampus of by die lessenaar waar jy werk doen. Onthou dat jy moet seker maak dat jy vriende of n onderwyser het wat jou aksie ondersteun voor jy dit by die skool doen. Kontak ons vir die 30KD (thirtysecondkneeldown) opleiding as jy dit nog nie gedoen het nie. Onthou! Selfs al kom jy nooit by 30KD uit nie en doen slegs L-10-T (selfs net deur sag te bid) dan is jy besig om Jesus se opdragte uit te voer en behoort nooit enige veroordeling te voel nie! 29

30 Les 8 KOMAAN! Jy moet GOU begin L-10-T! Ten minste binne 4 dae van hierdie opleiding anders gaan jy nie! Lees Jakobus 2: Wat help dit, my broers, as iemand beweer dat hy glo, maar sy dade bevestig dit nie? Kan so n geloof n mens red? 15 Sê nou daar is n broer of n suster wat nie klere het nie en dag vir dag honger ly, 16 en sê nou een van julle sou vir hulle sê: Mag dit met julle goed gaan; gaan trek julle warm aan en eet genoeg, maar julle gee nie vir hulle wat hulle nodig het om van te lewe nie, wat help dit dan? 17 So gaan dit ook met die geloof: as dit nie tot dade oorgaan nie, is dit sonder meer dood. Wat tref jou die meeste in bogenoemde verse? Gebruik ook die meegaande tabel om jou eerste 21 dae (die periode om n gewoonte te vorm) se L-10-T te monitor wat jy meet sal jy doen! 30

31 L-10-T Opsomming Stap 1: Stap 2: Stap 3: Stap 4: Voel jy dat jy nou beter in staat is om Jesus se opdragte uit te voer? Groot Opdrag: Eerste Groot Gebod: Tweede Groot Gebod: Minderbevoorregtes: Jesus volg: n Vriend van Jesus wees: Jou geloof te bou: Vir ander te bid: 31

32 32

33 DAG NO/ WAT HET JY DATUM GEDOEN? Byvoorbeeld Ek het in die klas gevra vir GOD se seën by die skool WAT HET GEBEUR? Almal het kalm en gelukkig gelyk dae vorm n gewoonte: 21 maande om n leefstyl te verander (30KD)

34 11. kommunikasie 12. gebed 13. Hy 14. ons 15. ons moet doen wat hy ons bevel 16. sy ryke goedheid en genade in n persoon se lew 17. seen 18. eerste 19. gebed 20. bid 21. gesagsposisies 22. plekke 23. belange 24. belange 25. hemelse vader 26. onvergewensgesind 27. om mense te help in hul nood, waar en as jy kan 28. openbaar 29. vrees 30. te veel 31. Hy

35 Jerigo Mure Intern Gebedsnetwerk (Wille Version