GEBED, ASEMHALING VAN DIE GELOWIGE

Transcriptie

1 GEBED, ASEMHALING VAN DIE GELOWIGE SAMEVATTING VAN KERNBOODSKAPPE IN DIE BYBEL MET TEMA GEBED (REEKS 15) SAAMGESTEL VIR N LUX MUNDI GROEIGROEP DEUR PAUL LE ROUX met erkenning aan KOOS BURGER EN SEBASTIAAN VAN DYK

2 Voorwoord Die Woord van God is die lig vir die lewenspad, die kompas vir die lewensreis waartydens gelowiges God se unieke droom vir sy of haar lewe self ontdek. Die verlossing wat Jesus Christus vir ons gelowiges gegee het bied die beste boodskap van hoop wat mense kan kry. Wat kan jy doen om die passie wat Jesus vir verlore mense het, na vandag se verlore mense uit te dra? Wat doen jy om die blye boodskap van hoop met ander mense te deel? Ons bid en vertrou dat hierdie bybelstudie vir jou ook sal help om die ware hoop met ander mense, wat dit nodig het, te deel. Ef. 1:18 18 Ek bid dat Hy julle geestesoë so verhelder dat julle kan weet watter hoop Sy roeping inhou, en watter rykdom daar is in die heerlike erfenis wat Hy vir die gelowiges bestem het, 1 Hierdie reeks van 4 byeenkomste het ten doel om medegelowiges te help om opnuut die krag van gebed te beleef en daagliks te beoefen. Beskrywing van die beginsels en proses vir die ontwikkeling van die Leer en Groei Saam Reeks: a) Die reeks is n integrale deel van die geloofservaring van ons eie gemeenskap van gelowiges. b) Die beginsel is dat gelowiges, gelei deur die Heilige Gees, mekaar aanmoedig en stimuleer tot groei in geloof en kennis. c) Die materiaal word saamgestel vanuit verskillende Bybel vertalings, bestaande erkende kommentare en literatuur met duidelike verwysings. Persoonlike kommentaar en opinies word duidelik as sulks uitgewys. (Sien teks in rooi) d) Die ontwikkelingsproses sluit ook die kwaliteitsbeginsel van voortdurende verbetering in. Hersienings word aan datums uitgeken. e) Alhoewel erkenning gegee word aan die oorspronklike samesteller en die insette van elke medewerker is die produk die eiendom van die gemeente. n Hersieningspan is verantwoordelik vir die instandhouding, opdatering en verspreiding van die dokumente. f) Die produkte/dokumente is voorwaardelik beskikbaar aan alle medegelowiges binne en buite die gemeente. Voorwaardes vir gebruik van die materiaal: a) Jesus Christus moet die eer kry. Verheerlik Sy Naam. b) Gee terugvoering en kommentaar om die reeks kontinu te verbeter. Stuur kommentaar na groei@luxmundi.org.za c) Materiaal mag nie verkoop word nie. Moet verkieslik elektronies versprei word. Slegs koste van afdrukke kan verhaal word. Kyk gerus ook na die Rob Bell DVD (Reeks 19 ) Open wat handel oor die tema gebed.(14 minute) INHOUD BYEENKOMS 1 GEBED MAAK KONTAK MET GOD...3 BYEENKOMS 2 GEBED BEGIN EN LEEF IN DIE GESIN...8 BYEENKOMS 3 GEBED WAT LEWENS VERANDER...11 BYEENKOMS 4 GEBED WAT HEELMAAK Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Eph 1:18 2

3 GEBED, ASEMHALING VAN DIE GELOWIGE BYEENKOMS 1 GEBED MAAK KONTAK MET GOD 1. GESELSVRAE 1.1 Inleiding Om te bid is hoofsaaklik om in gesprek met die almagtige God te tree. Wat n ongelooflike voorreg om dit te kan beleef en om in die teenwoordigheid van die almagtige God te kan wees. Omdat ons God nie sien nie, moet ons fyn ingestel wees om God te hoor. Gebedstyd is prima tyd. Koester dit. Hierdie skrywe het ten doel om myself en medegelowiges te help om opnuut die krag van gebed te beleef en daagliks te beoefen. Inleidende bespreking: Hoe lyk jou en my gebed op die oomblik? Maak ons genoeg tyd daarvoor? Is dit net op eie behoeftes gerig? Ervaar jy gebedsverhoring? Gebed is een van die klassieke geestelike dissiplines van gelowiges. Dit is onverstaanbaar dat dit ook die geestelike dissipline is wat die maklikste afgeskeep word, want kommunikasie met God (gebed) is lewens belangrik vir die gelowige. Dit word vergelyk met asemhaling van die mens, sonder asemhaling is die mens dood. Sonder gebed is die geloof besig om te versmoor want die gelowige is afgesny van die krag van die lewende God. Hoe meer ek bewus word van die grootheid van God, hoe meer wil ek Hom loof prys en eer. God die Vader weet reeds wat ons behoeftes is, maar Hy wil hê dat ons dit moet vra soos duidelik blyk uit die volgende verse: Jesus self sê: Johannes 16:23-24: Dít verseker Ek julle: Wat julle die Vader ook al in my Naam sal bid, sal Hy vir julle gee. 24 Tot nou toe het julle nog nie in my Naam gebid nie. Bid, en julle sal ontvang, sodat julle blydskap volkome kan wees. 2 Lukas 11: 9-10: 9 Ek sê vir julle: Vra, en vir julle sal gegee word. Soek, en julle sal kry. Klop, en vir julle sal oopgemaak word. 10 Elkeen wat vra, ontvang, en elkeen wat soek, kry; en vir elkeen wat klop, sal oopgemaak word. 3 Jakobus sê: Jakobus 4:2-3: Julle kry nie, omdat julle nie bid nie. 3 As julle bid, ontvang julle nie, omdat julle verkeerd bid: julle wil net julle selfsugtige begeertes bevredig. 4 Gebed het n kragtige uitwerking wanneer dit opkom uit n hart wat geheel en al aan God toegewy is (Jer. 29:13) en gegrond is in die onwrikbare geloof in God, die Almagtige (Mark. 11:22 24). 5 Kom stap saam om weer opnuut die diep asem teue van gebed te beleef en ons eie te maak sodat dit n normale lewenswyse word om ingeskakel te wees in gesprek met die lewende God. 2 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Jn 16:23 3 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Lk 11:9 4 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Jas 4:2 5 Verwysingsbybel 1983-vertaling. Kaapstad : Bybelgenootskap van Suid-Afrika, 2000, c1998, S. Re 22:20 3

4 1.2 Definisie: Sê in jou eie woorde; wat is gebed? Die Afrikaanse verklarende woordeboek gee die volgende definisies: Gebed - Daad van bid; die toebring van lof en dank aan God en die nederige rig van versoeke aan Hom; woorde waarin gebid word 6 Bid - Jou tot God rig: Om vergifnis bid. Nood leer bid. So moet julle bid (Mat. 6:9 NV). Smekend, dringend vra. 7 Uit hierdie definisies kan ons sien dat die volgende aspekte by gebed betrokke is: a) Gebed is n praktiese daad of aksie. b) Gebed is n normale praat met God sê opreg wat jy voel en beleef wanneer en waar jy wil. c) Wanneer jy bid, weet wie jy aanspreek en wys dit met jou houding en posisie voor God. d) Gebed het eerstens ten doel lofprysing, verheerliking en eerbetoning van God. (Aanbidding) e) Gebed het tweedens ten doel om my sonde te bely. (Verootmoediging en Belydenis) f) Gebed het derdens ten doel om my en ander se behoeftes tot God te rig. (Voorbidding) g) Gebed het vierdens ten doel om my en ander se dankbaarheid te betoon. (Danksegging) 2. WOORD EN PRAKTYK: Kom ons kyk wat sê die Bybel in verband met die praktiese beoefening van gebed. 2.1 Primêre wyse van kommunikasie met God (Toeganklik vir alle mense.) Kan jy met God sommer maar net praat? Weens die mens se beperkte insig, verstandelike vermoë en sondige geaardheid, kan ons nie vir God sien nie. Die Grootsheid van God verhoed dit, want die aardse mens sal dit nie kan hanteer om God te sien nie. Tog lei die Heilige Gees gelowiges om in gebed tot God te nader. Gebed is die wyse waarop die gelowige met die almagtige God in verbinding tree. As sodanig is dit die belangrikste lewensuiting van die Christelike geloof. Die vorm van die gebed kan wees: aanbidding, lof en verheerliking, danksegging, skuldbelydenis, verootmoediging, smeking, hulpgeroep, dringende bede om uitredding uit nood, voorbidding (Soos in die Psalms. Vgl Ef 6:18 20; Fil 4:6; 1 Tim 2:1). 1 Tim 2:1-4 Ek (Paulus) dring daarop aan dat daar in die eerste plek met smeking, voorbidding en danksegging gebid moet word vir alle mense, 2 vir dié wat regeer en vir almal wat gesag uitoefen, sodat ons n rustige en stil lewe kan lei in volkome toewyding aan God en in alle eerbaarheid. 3 So is dit goed en aanneemlik vir God, ons Verlosser, 4 wat wil hê dat alle mense gered word en tot kennis van die waarheid kom. 8 6 Odendal, F.F.: Die elektroniese weergawe van die Verklarende Handwoordeboek van die Afrikaanse taal. Midrand : Perskor Uitgewery, 2000, c Odendal, F.F.: Die elektroniese weergawe van die Verklarende Handwoordeboek van die Afrikaanse taal. Midrand : Perskor Uitgewery, 2000, c Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. 1 Ti 2:1 4

5 Die gesprek met God kan n kort noodroep (2 Sam 16:12; Mat. 14:30), of n lang pleidooi wees. (1 Kon 8:22 52; en verskeie Psalms). Die gebed kan hardop uitgespreek (Mat 26:39 42; Luk 18:13), of geprewel (1 Sam 1:12 13) of onuitgesproke wees (Luk 18:11). Die gebed word gewoonlik afgesluit met n lofprysing (kyk Mat 6:13; ook Rom 11:33 36; 16:27; 1 Tim 1:17; Jud 25), of met die formule: in die naam van Jesus Christus (vgl Joh 16:23 24), gevolg deur Amen. Gebed is n vrymoedige oopgesprek met die almagtige God. Enige mens kan met God praat deur Jesus Christus. Die Heilige Gees lei mens in die proses. 2.2 Wees bewus van met wie jy in gesprek is: Gebed is n gesprek met die Heilige, die een God, wat God van Israel is (Deut 6:4). Daarom vereis dit diepe eerbied, uitgedruk in die aanspreekwyse, die gebedshouding en voorafgaande persoonlike reiniging, en regstelling van die verhouding met God en die medemens. Hoe groot is God in jou oë? Hoe wys jy jou respek? Die gebedshouding weerspieël eerbied en ootmoed. Vir die gebed kan iemand eerbiedig staan (Mark 11:25; Luk 18:11, 13), soms met uitgestrekte hande (1 Tim 2:8), of hy kan kniel (Hand 21:5; Ef 3:14), soms met die voorkop teen die grond (Mat 26:39). Daarby gaan die gebed soms gepaard met vas as daad van verootmoediging (Esra 8:23; Neh 1:4; Jer 14:12; Joël 1:14; 2:12, 15 17; Luk 2:37; Hand 13:2; 14:23). Betoon respek en ootmoed teenoor die Almagtige God in die gebedshouding 2.3 Plek van gebed. Kan jy maar op enige plek bid? Die plek van die gebed was aanvanklik onbepaald (Gen 24:26). Tog moes rekening gehou word met die plek waar God woon, in die hemel daar bo en in Sion hier op aarde. Mettertyd is die tempel beskou as die plek vir gebed (Luk 2:37; Hand 3:1), anders moes minstens in die rigting van die tempel gebid word (1 Kon 8:44; Dan 6:11). Daarteenoor verklaar Jesus dat dit nie gaan om n bepaalde plek nie, maar om die innerlike gesteldheid van hart: daar moet in Gees en waarheid gebid word (Joh 4:21 24). Dit kan op enige plek en in allerlei omstandighede gebeur: in die binnekamer (Mat 6:6), in afsondering (Mat 14:23; Mark 1:35; Luk 5:16; ens), in die samekoms van die gelowiges (Mat 18:19; Hand 2:46 47; 12:12; 1 Kor 11:4 5; 14:13 16), en in die vrye natuur (Hand 20:36), selfs in die sterwensuur aan die kruis (Luk 23:42, 46). Gebed kan op enige plek plaasvind. Dit is wenslik om op n stil plek tot God te nader tydens die daaglikse gesprek met God omdat ons gedagtes maklik afgelei word. 2.4 Tyd vir gebed. Wanneer bid jy tot God? Kan jy maar enige tyd bid? 5

6 Vaste gebedstye is nie voorgeskryf nie, maar word wel n instelling in die Joodse godsdiens. Gebede is opgestuur in die aand (Ps 4:9), in die tyd van die aandoffer (Esra 9:5), in die môre (Ps 5:4), in die aand, in die môre en in die middag, heeldag (Ps 55:18), elke dag en elke nag (Ps 88:2). Daniël se gebruik om drie keer per dag te bid, sluit moontlik aan by Ps 55:18 (vgl Hand 10:9). Aanvanklik hou die gelowiges ook by vaste gebedstye (Hand 3:1. Vgl 10:3, 9, 30), maar weldra het hulle ingesien dat die gebed nie aan bepaalde ure van die dag gebonde is nie maar vry is om enige tyd n rol te speel (1 Tess 5:17). Volgens Jesus se voorbeeld was die gebed ter sake in n krisistyd of voor enige gewigtige beslissing (Luk 3:21; 6:12; 9:18, 28; 22:39 46; Hand 1:14, 24 25; 6:6; 9:11; 10:9; 13:3). Gebed kan op enige tyd plaasvind. Dit is wenslik om daaglikse in gesprek met God te tree. Begin en eindig elke dag se aktiwiteite met Hom. Dank hom by die etenstafel. Nader tot God en doen voorbidding by die siekbed, noodgeval of beproewing wat oor jou pad kom. 2.5 Wat kan ek vir God vra? Kan jy vir God enige iets vra? Die inhoud van die gebed kan wees alles wat nodig is vir die tydelike en die ewige lewe (Mat 6:8, 25 34; Joh 14:13; 15:7, 16), van die kleinste tot die grootste dinge, die alledaagse sowel as die ewige, soos saamgevat in die Ons Vader-gebed (Mat 6:9 13). Die gebed word gerig tot die heilige, almagtige God, wat deur Jesus Christus bekend gemaak is as Vader (Joh 1:18; 14:6 11) en daarom aangeroep word met daardie Naam (Mat 6:9. Abba). Hoewel Jesus ook in die gebed aangespreek mag word (Joh 14:14), lê Hy die reël neer dat tot die Vader gebid moet word in die Naam van Jesus Christus. Daarmee bring Jesus n wesenlik nuwe element in die gebed (Joh 16:24), waardeur die gebed in die NT verhef word bo dié in die OT, en onderskei word van nie-christelike gebede. Die Heilige Gees lei die gedagtes volgens die wil van die Vader (Joh 16:13 15), ook wanneer daardie gedagtes nie onder woorde gebring kan word nie (Rom 8:26 27). Jy kan enige iets van God vra. Dit wat uit selfsug en nie tot Sy eer is nie sal nie beantwoord word nie. 2.6 Wees stil en maak tyd om te wag op God se antwoord. Antwoord God jou gebed? Wat moet jy doen om God se antwoord te hoor? Omdat Hy die sprekende God is (Heb 1:1), word n antwoord op die gebed verwag (Gen 18:22 23; 1 Sam 1:10 11; Ps 77:2). Om die antwoord te verkry, kan die gebed n intense gesprek of worsteling met God word (Eks 32:11 14; Num 14:13 19; Deut 9:26 29; Neh 1:4 11. Vergelyk ook Jesus se gebed in Getsemane, Mat 26:36 46), Die gebed het n kragtige uitwerking wanneer dit opkom uit n hart wat geheel en al aan God toegewy is (Jer 29:13) en gegrond is in die onwrikbare geloof in God, die Almagtige (Mark 11:22 24). Maar die gebed bly onverhoor en kragteloos wanneer dit opkom uit n hart vol sonde en onbekeerlikheid (Jes 1:15 17; 29:13 16; Am 5:18 27), liefdeloosheid en selfsug (Jak 4:3; 1 Pet 3:7), ongeloof en twyfel (Jak 1:5 7), en onversoenlikheid (Mat 5:23 24; Mark 11:25). Die gelowige wat volgens die wil van God bid, is van verhoring verseker (Ps 3:5; 18:7; 65:3; Jer 29:11 13; ens). Die belofte van verhoring word in die NT nog sterker gestel (Mat 6:25 34; Joh 14:13 14; 15:16; 16:23). 6

7 Gelowiges wat in hierdie vinnige tyd leef moet leer om tyd te maak om stil te word sodat mens God kan hoor. Verhoring van gebed is wesentlik vir die versterking van ons geloof. Dit bevestig ook dat ons n lewende God dien wat bereid is om in detail by ons betrokke te raak. Die spesifieke wil van God ten opsigte van n bepaalde saak kan makliker onderskei word wanneer ons tyd maak om stil te word en toe te laat dat God ons oortuiging ivm die saak vorm. 3 LIEFDESBEDIENING EN GEBED Party mense het nie vrymoedigheid om voor ander te bid nie. Sien julle kans om saam te probeer? Wat is daar op jou hart om voor te bid? Elkeen noem een of twee dinge wat tans op jou hart lê Waaroor gaan jy elke dag hierdie week in jou persoonlike stilte tyd met God praat? Bid saam met mekaar vir die sake wat op die tafel geplaas is. Bid vir die Here se seën vir die volgende drie byeenkomste. 7

8 BYEENKOMS 2 GEBED BEGIN EN LEEF IN DIE GESIN 1. GESELSVRAE Vertel vir mekaar wie het jou leer bid? Deel eerlik met mekaar; By watter geleenthede bid julle as gesin saam? Stel jy n voorbeeld in die huisgesin van hoe om stil te word en te bid? Hierdie is nie n geleentheid om mekaar te veroordeel nie. Hierdie is n opregte geleentheid om n nuwe begin te maak in jou en jou gesin se gebedslewe. Gee ruimte vir mekaar. Elkeen kan dit doen. Dit is so natuurlik soos om asem te haal. Kom ons ondersteun mekaar. Gebed vind ook buite gesinne plaas maar die gesin vorm n baie belangrike basis vir die ontwikkeling van ons toekomstige gebedslewe. 2. WOORD EN PRAKTYK: Die volgende voorbeelde van gebede is onder andere in die ou testament in die Bybel ingesluit. Dit gee vir gelowiges n oorsig van die geaardheid en verskeidenheid van gesprekke van gelowiges oor die eeue met God. Dit het reeds net na die skepping begin en is steeds vandag aan die gang. Gen 4:26 (Die mense het in die tyd van Set die Naam van die Here begin aanroep) 26b In daardie tyd het die mense begin om die Naam van die Here aan te roep. 9 Wat sê die teks vir jou i.v.m. met die behoefte van die mens om met God te praat? Wat sê dit vir jou in verband met jou kinders? Wat se hierdie feit vir jou in verband met jou doopbelofte? Gen 18:23 33 (Abraham pleit vir Sodom Hy waag dit om te onderhandel met God) 23 Abraham het toe nader gekom na die Here toe en gevra: Sal U die regverdiges saam met die goddeloses vernietig? 24 Miskien is daar vyftig regverdiges in die stad. Sal U die plek werklik vernietig? Sal U dit nie spaar oor vyftig regverdiges daarin nie? 25 U sal tog nie so iets doen en die regverdiges saam met die goddeloses om die lewe bring nie! U sal tog nie die regverdiges soos die goddeloses behandel nie! Sal die regter van die hele aarde dan nie reg laat geskied nie? 26 Toe sê die Here: As Ek vyftig regverdiges in Sodom kry, sal Ek die hele plek spaar oor hulle. 27 Abraham het gesê: Ek is maar net stof en as, en tog het ek gewaag om met die Here te praat. 28 Sê nou die regverdiges is vyf minder as vyftig: sal U die hele stad vir vyf verdelg? Hierop antwoord die Here: Ek sal dit nie verdelg as Ek vyf en veertig daar kry nie. 29 Toe praat Abraham weer met die Here: Miskien sal daar veertig gevind word, en die Here sê: Ook oor veertig sal Ek dit nie doen nie. 30 Abraham sê toe: Moet tog nie kwaad word as ek nog n keer praat nie, Here. Miskien sal daar dertig te kry wees, en die Here sê: Ek sal dit nie doen as Ek dertig daar kry nie. 31 Maar Abraham sê: Ek bly waag om met die Here te praat. Miskien word daar twintig gekry, en die Here sê: Oor die twintig sal Ek dit nie verdelg nie. 32 Toe sê Abraham: Moet tog nie kwaad word nie, Here! Ek wil nog net een keer praat; miskien word daar tien gekry. 9 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Ge 4:26 8

9 En die Here sê: Ook oor tien sal Ek dit nie verdelg nie. 33 Toe die Here klaar met Abraham gepraat het, het Hy weggegaan, en Abraham het na sy plek toe teruggegaan. 10 Kan jy maar met God onderhandel? Hoe bid jy vir jou familie in nood? Num 14:13 19 (Moses tree in vir die volk van God) Maar Moses het vir die Here gesê: Die Egiptenaars sal dit hoor en dit vir die inwoners van hierdie land vertel. Dit is tog U wat hierdie volk deur u mag uit Egipte laat wegtrek het, en die inwoners van hierdie land het reeds gehoor dat U, Here, onder hierdie volk is, dat U duidelik waarneembaar verskyn het, dat u wolk oor hulle is, en dat U bedags in n wolkkolom en snags in n vuurkolom voor hulle uit gaan. 15 As U hierdie volk soos een man om die lewe bring, sal die nasies wat van u dade gehoor het, sê: 16 Die Here was nie in staat om hierdie volk in te bring in die land wat Hy met n eed aan hulle beloof het nie, daarom het Hy hulle in die woestyn omgebring. 17 Laat u groot mag nou bekend word, Here, soos U gesê het: 18 Ek, die Here, is lankmoedig en vol liefde; Ek vergewe ongeregtigheid en oortreding, maar Ek spreek niemand sonder meer vry nie. Ek reken kinders die sondes van vaders toe selfs tot in die derde en vierde geslag. 19 Vergewe dan tog die sonde van hierdie volk in u groot liefde, soos U hulle van Egipte af tot hiertoe vergewe het! 11 Wat sê die teks vir jou i.v.m. met die belangrikheid van voorbidding? Bid jy vir jou gesin voor jou gesin?. 2 Sam 7:18 29 (Dawid eer God en vra Sy seën) 18 Daarna het koning Dawid ingegaan en voor die Here gaan sit en gesê: Wie is ek, Here my God, en wie is my nageslag dat U my só ver gebring het? 19 Selfs dít was vir U nog nie genoeg nie, Here: U het ook nog vir die nageslag van u dienaar tot in die verre toekoms beloftes gemaak. Wat n toesegging aan n mens, Here my God! 20 Wat sou ek, Dawid, nog verder vir U kon sê? U ken immers u dienaar, Here. 21 U het hierdie groot ding gedoen omdat dit u besluit en wil was en boonop het U dit nog aan u dienaar bekend gemaak. 22 Daarom, groot is U, Here my God! Daar is niemand soos U nie. Buiten U is daar geen God nie, van hoeveel gode ons ook al gehoor het. 23 Watter volk is soos u volk Israel? Hulle is die een nasie op die aarde wat U vir U as volk vry gemaak het. U het u Naam bekend gemaak en in hierdie land aan nasies en hulle gode groot en vreeslike dinge gedoen ter wille van u volk wat U vir U uit Egipte vry gemaak het. 24 U het u volk Israel vir U gevestig as n volk wat vir altyd aan U behoort. En U, Here, U het hulle God geword. 25 En nou, Here God, bevestig tog vir altyd wat U oor u dienaar en sy nageslag gesê het. Doen tog soos U belowe het, 26 sodat u Naam vir altyd groot kan wees as daar gesê word: Die Here, die Almagtige, is God van Israel. Laat die nageslag van u dienaar Dawid voor U voortbestaan. 27 Here, Almagtige, God van Israel, U het nadruklik vir u dienaar gesê: Ek sal vir jou n koningshuis vestig, en daarom het u dienaar die vrymoedigheid gehad om hierdie gebed tot U te rig. 28 En nou, Here, U is God. U woorde sal bewaarheid word. U het hierdie goeie belofte aan u dienaar gemaak. 29 Begin tog nou en seën die huis van u dienaar om vir altyd in u diens te wees! Here my God, U het gepraat en omdat U seën, is die koningshuis van u dienaar vir altyd geseën Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Ge 18:23 11 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Nu 14:13 12 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. 2 Sa 7:18 9

10 Wat sê die teks vir jou i.v.m. met die eer van God? Hoe eer julle gesin God? Wat maak julle met gebedsverhoring? 3 LIEFDESBEDIENING EN GEBED Ten diepste het elke gelowige die behoefte om met God te praat. Ons moet mekaar aanspoor om tyd te maak daarvoor. Kom ons begin in die gesin. Byvoorbeeld; Wissel een keer per week die tafelgebed af met n kort spontane unieke gebed wat die behoeftes en situasies van die gesin op daardie stadium aanspreek. Skryf jou inisiatief en verbintenis neer. Wat is daar op jou hart om voor te bid? Elkeen noem een of twee dinge wat tans op jou hart lê Waaroor gaan jy elke dag hierdie week in jou persoonlike stilte tyd met God praat? Bid saam met mekaar vir die sake wat op die tafel geplaas is. Bid vir die Here se seën vir die volgende twee byeenkomste. Dank die Here vir die vorige byeenkoms. 10

11 BYEENKOMS 3 GEBED WAT LEWENS VERANDER 1. GESELSVRAE Ken jy n mens wat werklik n passie vir verlore siele het? Wat staan uit van die persoon? Deel eerlik met mekaar; Is daar mense vir wie jy spesifiek voorbidding doen? Is daar mense vir wie jy spesifiek by God in tree? Dink jy dat daar nog mense is wat dit nodig het? Dink jy dat jy iets daaraan kan doen? Gebed verander lewens. Eerstens verander gebed jou eie lewe. Tweedens verander jou voorbidding weer ander se lewens. 2. WOORD EN PRAKTYK: Die volgende voorbeeld van gebed word deur Jesus self vir ons gegee. Kom ons kyk saam met nuwe oë na hierdie baie bekende gebed. Kom ons kyk hoe dit lewens verander. Kom ons maak dit ons eie en gebruik dit om ook ander te help. Bid en vertrou die Heilige Gees om jou te lei in die lewensveranderende proses. Lees Mat 6:9 13; 26:39 (Gebed van die Here Jesus leer ons bid) Die Onse Vader is die gebed wat Jesus volgens Mt. 6:9 13 en Lk. 11:2 4 sy dissipels beveel het om te bid. Die wyse waarop hierdie gebed gegee is, toon dat dit as formuliergebed bedoel was, en as sodanig het dit ook spoedig in gebruik gekom en gebly. Ons kan die volgende onderafdelings onderskei: Die aanspraak v.d. gebed, waarin die verhouding v.d. gelowige bidders tot God in die hemel uitgedruk word: 3 bedes wat bepaald met die saak v.d. Here op aarde te doen het; 3 bedes wat met die persoonlike, tydelike en geestelike behoeftes v.d. bidder te doen het; en ten slotte n lofsegging. Hierdie lofsegging kom nie by Lukas voor nie en in die beste handskrifte ontbreek dit ook by Mattéüs. Tog is dit seker dat dit al vroeg in gebruik was. Dit is moontlik dat hierdie lofsegging reeds in die Erediens gebruik was en toe by die gebed gevoeg is. 13 Die Onse Vader preek van Sebastiaan van Dyk by n celebration diens in Februarie 2008, bring ook n nuwe perspektief : Die 6 bedes is soos 6 grense wat oorgesteek moet word wanneer jy leer bid. Kom ons gebruik hierdie perspektief op lewensverandering om eerstens by myself te begin en dan dieselfde proses met ander te deel. Eerste Bede: Onse Vader, Die Grens van afstand o Ons dink baie keer net soos die vroeë Christene dat God ver is en dat Hy nie regtig belangstel nie. o Jesus begin met Vader : dit wys vir ons n ander tipe verhouding waar God naby is en mens maklik na Hom kan gaan. Dit veronderstel tipies n vader kind verhouding. Die nabyheid van God staan voorop. Die aanhef: Ons Vader wat in die hemel is (6:9) sê dit klaar. In die hemel het niks met afstand te doen nie, maar druk God se almag uit. Vanuit Sy almag staan Hy ons as Vader by. As Vader wil Hy ons na ons diepste nood versorg, beginnende by ons daaglikse behoeftes (6:11) Bybelse ensiklopedie. electronic ed. Kaapstad : Verenigde Protestantse Uitg., 1998, c1977 (Logos Library System; 2de hers. uitg) 14 Vosloo, W. ; van Rensburg, F. J.: Die Bybellennium Eenvolumekommentaar Die Bybel Uitgele Vir Eietydse Toepassing. Vereeniging : Christelike Uitgewersmaatskappy, 2000, c1999, S. Mt 6:5 11

12 Kom ons breek deur die grens van afstand. Kom ons gee erkenning aan God die Vader tot wie ons nader omdat ons in n persoonlike nabye verhouding met Hom staan. Ervaar God as jou Hemelse Vader. Luk 11:11-13 : 11 Is daar n pa onder julle wat as sy seun vir hom n vis vra, vir hom n slang sal gee in plaas van die vis? n 12 Of as hy n eier vra, vir hom n skerpioen sal gee? 13 As julle wat sleg is, dan weet om vir julle kinders goeie dinge te gee die Vader in die hemel nog baie meer! Hy sal die Heilige Gees gee vir dié wat vra. 15 Beleef jy vir God so naby soos n aardse pa? Watter rol speel die Heilige Gees hier? Dit herinner ons aan die eerste byeenkoms Maak kontak. Tweede Bede: laat u Naam geheilig word Die Grens van selfgesentreerdheid o Hoe is jou gebeds lewe? Maak jy tyd om met God persoonlik te praat? Moet Hy hom maar by ons besige skedule en dagboeke inpas?. o Eintlik gaan hierdie gebed juis daaroor dat ek myself in lyn moet kry met God se agenda. Dit gaan nie in die eerste plek oor my nie maar oor God. God se Naam moet geheilig word Kom ons breek deur die grens van selfgesentreerdheid en fokus op die verheerliking van God. Dit is alleen moontlik as Hy die middelpunt van my lewe is. Mat 5:16: 16 Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik. 16 Wat doen jy om aktief Jesus meer die middelpunt van jou lewe te laat word en jouself minder? Wat bid jy in die verband? Derde Bede: laat U koninkryk kom, laat U wil op aarde geskied. Die Grens van beheer en kontrole /selfbejammering o Baie leiers is beheervrate en is hard besig om hulle eie koninkryk te bou. Die meeste mense is egter volgers wat dit nie reg kry om in beheer te wees nie en dit lei tot bekommernis oor die sorge van die lewe en selfbejammering. Beide situasies definieer n grens wat oorgesteek moet word om weg te kom van dit wat ons weg hou daarvan om God se primêre doel vir ons op aarde te bereik. o Die meeste mense verkies om dinge self te doen omdat hulle konstant in beheer wil wees om hulle eie versorging self te waarborg. Dit word gedryf deur die kompetisie tussen mense vir geld en mag. Sogenaamde oorlewing en sug na sukses. As ons besig is om ons eie koninkryk te bou, wil ons heers en bedien word en leer ons nie om te dien nie. Deur dit in eie krag te doen, is ons eensaam en meestal onsuksesvol. Die realiteit is dat ons ook dikwels nie in beheer is nie en dan lei dit tot selfbejammering. Waar is God in hierdie prentjie? o Jesus leer hier vir Sy volgelinge dat as ons fokus op Sy Koninkryk en om Hom te dien, sal ons versorg word en sal ons nie moedeloos word en onsself jammer kry omdat ons nie in beheer is nie. o Jesus sê nie dat jy op moet hou om n leier te wees nie. Hy vra n gesindheidverandering. Ware leiers wys die pad na Jesus en Sy ewige koninkryk n In sommige manuskripte lees 11:11 as volg: Is daar n pa onder julle wat as sy seun vir hom brood vra, vir hom n klip sal gee, of n vis vra en dan vir hom n slang gee in plaas van n vis?, vgl. Matt. 7:9 15 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Lk 11:11 16 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mt 5:16 12

13 Kom ons breek deur die grens van beheer en kontrole of selfbejammering deur Jesus se beheer oor my lewe te aanvaar en te fokus op die uitbreiding en koms van Sy koninkryk. Jesus bevestig dit ook in Mat 6: Julle moet julle dus nie bekommer en vra: Wat moet ons eet of wat moet ons drink of wat moet ons aantrek? nie. 32 Dit is alles dinge waaroor die ongelowiges begaan is. Julle hemelse Vader weet tog dat julle dit alles nodig het. 33 Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee. 17 Wie is in beheer van jou lewe? Wat doen dit aan jou gebed? Vierde Bede: Gee ons elke dag ons daaglikse brood Die Grens van selfversorgendheid o Vertrou jy regtig vir God vir jou daaglikse versorging? Sien jy kans om soos baie sendelinge in geloofsvertroue in totale afhanklikheid van God te werk en lewe? Hoe wys jy dit vir God? o Jesus sê dat God weet wat jy nodig het maar Hy wil hê dat jy daagliks vir jou versorging moet vra om jou te herinner aan die oorsprong van jou daaglikse versorging. o Dit is nie verkeerd om hard te werk vir jou versorging nie. Dit gaan oor jou gesindheid. Werk jy in afhanklikheid van God en tot eer van God? Vertrou jy op jouself vir die daaglikse versorging? o Hierdie gesindheid om afhanklikheid van God te leef is ook nie n lisensie om lui te wees nie. Kom ons breek deur die grens van beperkte selfversorgendheid en leef daagliks hardwerkend in afhanklikheid van God se versorgende genade. Luk 12:22-30: 22 Verder het Jesus vir sy dissipels gesê: Daarom sê Ek vir julle: Moet julle nie bekommer oor julle lewe, oor wat julle moet eet nie, of oor julle liggaam, oor wat julle moet aantrek nie. 23 Die lewe is tog belangriker as kos en die liggaam as klere. 24 Kyk na die kraaie: hulle saai nie en oes nie; hulle het geen spens of skuur nie, maar God sorg vir hulle. Julle is tog baie meer werd as voëls. 25 Trouens, wie van julle kan deur hom te bekommer sy lewe met een uur verleng? 26 As julle nie eens so n klein dingetjie kan regkry nie, waarom bekommer julle julle oor die ander dinge? 27 Kyk hoe groei die lelies: hulle swoeg nie en hulle maak nie klere nie, maar Ek sê vir julle: Selfs Salomo in al sy prag was nie geklee soos een van hulle nie. 28 As God die gras van die veld, wat vandag nog daar is en môre in die vuur gegooi word, só mooi maak, hoeveel te meer sal Hy julle versorg, julle kleingelowiges! 29 Julle moet julle ook nie gedurig afvra wat julle gaan eet of drink nie, en julle moenie besorg wees nie. 30 Dit is alles dinge waaroor die ongelowiges in die wêreld begaan is, maar julle het n Vader wat weet dat julle dit nodig het. 18 Luk 12:15-21: 15 Toe sê Hy vir hulle: Pas op en wees op julle hoede vir elke vorm van gierigheid, want n mens se lewe is nie afhanklik van die oorvloed van sy besittings nie. 16 Toe vertel Hy hulle n gelykenis: n Ryk man se grond het goed gedra. 17 Hy het toe by homself gedink: wat moet ek doen? Ek het nie plek waar ek my oes kan opgaar nie. 18 Toe besluit hy: dit sal ek doen: Ek sal my skure afbreek en groter bou. Daarin sal ek al my graan en my ander goed opgaar. 19 Dan sal ek vir myself sê: Mens, jy het baie goed wat weggesit is vir baie jare. Hou op met werk: eet, drink en leef lekker. 20 Maar God het vir hom gesê: Jou dwaas. Vannag nog sal jou lewe van jou opgeëis word, en wie kry dan alles wat jy bymekaargemaak het? 21 So gaan dit met hom wat vir homself skatte vergader en nie ryk is by God nie Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mt 6:31 18 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Lk 12:22 19 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Lk 12:15 13

14 Ervaar jy God se versorging in jou lewe? Wat doen dit aan jou gebed? Vyfde Bede: vergeef ons, ons sondes, want ons vergewe ook elkeen wat teen ons oortree Die Grens van natuurlike geregtigheid o Die menslike natuur vereis dat as iemand iets verkeerd teenoor my gedoen het, moet hy terug betaal. Selfs al is dit net n beginsel saak, moet hy terugbetaal. (Oog vir n oog). Jesus het hierdie natuur kom verander. o Jesus gee net een voorwaarde dat ons God se vergifnis kan ontvang, en dit is dat ons ook mense wat ons te na gekom het, sal vergewe. o Ek weet dit is nie maklik om die mense te vergewe wat jou en jou gesin leed aangedoen het nie. Wanneer jy met Jesus se oë na jou vyande kyk is daar n vergewende liefdesgesindheid in jou hart. Kom ons breek deur die grens van natuurlike geregtigheid en leef in Jesus se vergewende genade en beoefen dit self met n vergewende liefdesgesindheid in ons harte. Mat 18:21-35: 21 Daarna het Petrus na Jesus toe gekom en gevra: Here, hoeveel keer moet ek my broer vergewe as hy iets verkeerds teen my doen? Selfs sewe keer? 22 Jesus antwoord hom: Ek sê vir jou, nie sewe keer nie maar selfs sewentig maal sewe keer. 23 Daarom kan die koninkryk van die hemel vergelyk word met n koning wat besluit het om saam met sy amptenare hulle boeke na te gaan. 24 Toe hy daarmee begin, is een amptenaar na hom toe gebring wat miljoene rand geskuld het. 25 Hy kon dit nie betaal nie, en daarom het die koning beveel dat hy en sy vrou en sy kinders en alles wat hy het, verkoop en die skuld betaal moet word. 26 Die man het voor hom neergeval en gesoebat: Gee my tog uitstel; ek sal u alles terugbetaal. 27 Die koning het hom jammer gekry, hom laat gaan en sy skuld afgeskryf. 28 Toe daardie man buite kom, het hy een van sy medeamptenare raakgeloop wat hom net n paar rand geskuld het. Hy het hom gegryp en gewurg, en gesê: Betaal wat jy skuld! 29 Sy medeamptenaar het voor hom neergeval en hom gesmeek: Gee my tog uitstel, ek sal jou betaal. 30 Maar hy wou nie en hy is daar weg om hom in die tronk te laat gooi totdat hy die skuld betaal het. 31 Toe sy medeamptenare sien wat gebeur het, was hulle diep teleurgesteld, en hulle het alles wat gebeur het, vir hulle koning gaan vertel. 32 Die koning het hom laat haal en vir hom gesê: Jou skurk! Al daardie skuld het ek vir jou afgeskryf omdat jy my gesoebat het. 33 Moes jy nie ook jou medeamptenaar jammer gekry het soos ek jou jammer gekry het nie? 34 Die koning was woedend en het hom oorgegee om gemartel te word totdat hy al die skuld betaal het. 35 So sal my Vader wat in die hemel is, ook met julle maak as julle nie elkeen sy broer van harte vergewe nie. 20 Vergewe jy mense wat jou te na gekom het? Wat doen dit aan jou gebed? Sien ook byeenkoms 4 in die verband. Sesde Bede: en laat ons nie in versoeking kom nie Die Grens om swakheid te erken o Die laaste bede leer ons om ons swakhede te erken en daarom te vra dat God nie sal toelaat dat ons in moeilike situasie kom waar ons dalk sal ondergaan nie. Dit is die grens van ek is sterk genoeg om alles in die lewe te hanteer. Wat Jesus ons leer, is om ons swakheid en afhanklikheid van God se beskerming te verstaan en te vra vir sy beskerming. 20 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mt 18:21 14

15 Kom ons breek deur die grens van swakhede erken en vra dat God ons sal bewaar wanneer versoekings en beproewings ons toets. Jak. 1:2-4 2 My broers, julle moet baie bly wees wanneer allerlei beproewings oor julle kom, 3 want, soos julle weet, as julle geloof die toets deurstaan het, stel dit julle in staat om te volhard. 4 En die volharding moet end-uit volgehou word sodat julle tot volle geestelike rypheid kan kom, sonder enige tekortkoming. 21 Jak. 1: Gelukkig is die mens wat in versoeking standvastig bly. As hy die toets deurstaan het, sal hy as oorwinningsprys die lewe ontvang wat die Here belowe het aan dié wat Hom liefhet. 13 Iemand wat in versoeking kom, moet nooit sê: Ek word deur God versoek nie; want God kan nie verlei word nie, en self verlei Hy niemand nie. 14 Maar n mens word verlei deur sy eie begeertes wat hom aanlok en saamsleep. 15 Daarna, as die begeertes bevrug geraak het, bring dit die sonde voort; en as die sonde ryp geword het, loop dit uit op die dood Kor 10: Daarom, wie meen dat hy staan, moet oppas dat hy nie val nie. 13 Geen versoeking wat meer is as wat n mens kan weerstaan, het julle oorval nie. God is getrou. Hy sal nie toelaat dat julle bo julle kragte versoek word nie; as die versoeking kom, sal Hy ook die uitkoms gee, sodat julle dit kan weerstaan. 23 Hoe hanteer jy versoekings in jou lewe? Wat doen dit aan jou gebed? 3 LIEFDESBEDIENING EN GEBED Hierdie model gebed het nie ten doel om n sogenaamde resep vir regte gebed te onderskei nie. Jesus leer ten diepste vir ons om in die regte gebed verhouding te staan om met God in jou eie unieke manier te kan praat. Waar staan jy in die proses om die grense oor te steek? Wie is daar op jou hart om voor te bid? Elkeen noem een persoon wat voorbidding nodig het. Gebruik die saak indien jy die persoon anoniem wil hou. Waaroor gaan jy elke dag hierdie week in jou persoonlike stilte tyd met God praat? Bid saam met mekaar vir die sake wat op die tafel geplaas is. Bid vir die Here se seën op elkeen wie se lewe besig is om te verander. Bid vir die volgende en laaste byeenkoms in die reeks. Dank die Here vir die 3 geleenthede tot dusver. 21 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Jas 1:2 22 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Jas 1:12 23 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. 1 Co 10:12 15

16 BYEENKOMS 4 GEBED WAT HEELMAAK 1. GESELSVRAE Hoekom kom daar stryd, konflik en verdeeldheid tussen gelowiges voor? Die doel van die bespreking is nie om onsself op die morele hoë grond te plaas en ander te oordeel nie. Kom ons kyk feitlik en objektief na konflik situasies en hoe dit elkeen van ons persoonlik en ook die gemeente raak. Hierdie is n sensitiewe onderwerp en ons doel is nie om ou koeie uit die sloot te haal nie maar om konstruktief te leer uit die foute wat ons gemaak het en in die proses om vrede te maak en mekaar te vergewe. Gee voorbeelde vanuit die groep se eie ervarings in die gemeente. Wat was die gevolg van die konflik tussen gelowiges? Het gebed en God se eer enigsins ter sprake gekom? Die wat meer oor konflikhantering wil leer kan ook kyk na Reeks 19 van ons Leer en Groei Saam Inisiatief 2. WOORD EN PRAKTYK: Jesus leer ons om die ware vrede na te strewe deur liefde te betoon en mense te vergewe soos Jesus ons vergewe het. Die Heilige Gees lei elke gelowige om hierdie vergifnis proses in gebed te benader. Kom ons kyk wat leer die Woord. Lees Mat. 6:12-15 (Jesus leer ons om te bid vir vergifnis en om ook self te vergewe) 12...en vergeef ons ons oortredings soos ons ook dié vergewe wat teen ons oortree; 13 en laat ons nie in versoeking kom nie maar verlos ons van die Bose. 14 As julle ander mense hulle oortredings vergewe, sal julle hemelse Vader julle ook vergewe. 15 Maar as julle ander mense nie vergewe nie, sal julle Vader julle ook nie julle oortredings vergewe nie. 24 Kan mens met onvergifnis in jou eie hart verwag dat God jou moet vergewe? Wat staan mens te doen? Lees Mat. 18:21-35 (Jesus verwag van ons om onvoorwaardelik te vergewe) Die plig om te vergewe 21 Daarna het Petrus na Jesus toe gekom en gevra: Here, hoeveel keer moet ek my broer vergewe as hy iets verkeerds teen my doen? Selfs sewe keer? 22 Jesus antwoord hom: Ek sê vir jou, nie sewe keer nie maar selfs sewentig maal sewe keer. 23 Daarom kan die koninkryk van die hemel vergelyk word met n koning wat besluit het om saam met sy amptenare hulle boeke na te gaan. 24 Toe hy daarmee begin, is een amptenaar na hom toe gebring wat miljoene rand geskuld het. 25 Hy kon dit nie betaal nie, en daarom het die koning beveel dat hy en sy vrou en sy kinders en alles wat hy het, verkoop en die skuld betaal moet word. 26 Die man het voor hom neergeval en gesoebat: Gee my tog uitstel; ek sal u alles terugbetaal. 27 Die koning het hom jammer gekry, hom laat gaan en sy skuld afgeskryf. 28 Toe daardie man buite kom, het hy een van sy medeamptenare raakgeloop wat hom net n paar rand geskuld het. Hy het hom gegryp en gewurg, en gesê: Betaal wat jy skuld! 29 Sy medeamptenaar het voor hom neergeval en hom gesmeek: 24 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mt 6:12 16

17 Gee my tog uitstel, ek sal jou betaal. 30 Maar hy wou nie en hy is daar weg om hom in die tronk te laat gooi totdat hy die skuld betaal het. 31 Toe sy medeamptenare sien wat gebeur het, was hulle diep teleurgesteld, en hulle het alles wat gebeur het, vir hulle koning gaan vertel. 32 Die koning het hom laat haal en vir hom gesê: Jou skurk! Al daardie skuld het ek vir jou afgeskryf omdat jy my gesoebat het. 33 Moes jy nie ook jou medeamptenaar jammer gekry het soos ek jou jammer gekry het nie? 34 Die koning was woedend en het hom oorgegee om gemartel te word totdat hy al die skuld betaal het. 35 So sal my Vader wat in die hemel is, ook met julle maak as julle nie elkeen sy broer van harte vergewe nie. 25 Is daar n perk of grens aan die vergifnis wat ek behoort te betoon? Wat maak ek met die stelling Vergewe ja, maar vergeet nooit.? Hoe beïnvloed hierdie gesindheid my gebedslewe? Lees Mark 11:22-25 (Jesus leer dat ons moet glo wanneer ons bid maar dat ons ook besin voor ons bid) 22 Jesus sê toe vir hulle: Julle moet geloof in God hê! 23 Dit verseker Ek julle: Elkeen wat vir hierdie berg sê: Lig jou op en val in die see, en daarby nie in sy hart twyfel nie, maar glo dat wat hy sê, gebeur, vir hom sal dit gebeur. 24 Daarom sê Ek vir julle: Alles wat julle in die gebed vra, glo dat julle dit al ontvang het, en dit sal vir julle so wees. 25 En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe. 26 Is daar n sonde wat so erg is dat God dit nie kan vergewe nie? Hoekom dink jy dat God wil hê dat ons eers vrede moet maak en selfs die grootste sonde moet vergewe voor ons in gebed tot Hom nader? Hand. 4:24 30; (Gemeenskap van gelowiges bid saam ten spyte van swaarkry) 23 Nadat Petrus en Johannes losgelaat is, het hulle na hulle medegelowiges toe gegaan en vir hulle vertel wat die priesterhoofde en die familiehoofde alles vir hulle gesê het. 24 Toe hulle dit hoor, het hulle almal saam tot God gebid en gesê: Here, dit is U wat die hemel en die aarde en die see en alles wat daar is, gemaak het. 25 En U het deur die Heilige Gees by monde van ons voorvader Dawid, u dienaar, gesê: Waarom het heidennasies te kere gegaan, en het volke sinlose planne beraam? 26 Die konings van die aarde het in opstand gekom, en die heersers het saamgespan teen die Here en teen sy Gesalfde. j 27 Dit is wat werklik in hierdie stad gebeur het. Herodes en Pontius Pilatus het met heidennasies en die volk Israel saamgespan teen u heilige Dienaar, Jesus, wat deur U gesalf is, 28 en hulle het alles gedoen wat U vooruit beskik en besluit het. 29 En nou, Here, kyk hoe dreig hulle ons. Gee dat U dienaars met volle vrymoedigheid U woord sal verkondig. 30 Laat U hand genesing bring, en laat daar tekens en wonders plaasvind deur die Naam van U heilige Dienaar, Jesus. 27 Watter rol speel n gebedsvriend, groeigroep en ketting-gebed aksies in jou gebedslewe? 25 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mt 18:21 26 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Mk 11:22 j Vgl. Ps. 2:1 2:2 27 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Ac 4:23 17

18 Rom. 11:33-36.(Paulus se lofprysing) 33 O diepte van die rykdom en wysheid en kennis van God! Hoe ondeurgrondelik is Sy oordele, hoe onnaspeurlik Sy weë! 34 Wie ken die bedoeling van die Here? Wie gee Hom raad? 35 Wie bewys Hom n guns, sodat Hy verplig is om iets terug te doen? v36 Uit Hom en deur Hom en tot Hom is alle dinge. Aan Hom behoort die heerlikheid tot in ewigheid! Amen. 28 Hoe dank jy God wanneer jy die ware vrede ervaar? Watter rol speel musiek en sang in jou lofprysing? Watter rol speel die Bybel in jou lofprysing? 3 LIEFDESBEDIENING EN GEBED Deel eerlik met mekaar; Is daar mense met wie jy tans in konflik is? Is daar mense wat jou te na gekom het vir wie jy nog nie vergewe het nie? Dink jy dat jy iets daaraan kan doen? Hierdie is baie persoonlike vrae. Jy kan net Ja of Nee antwoord. Jy het egter nodig om verlos te word van die onvrede in jou hart om openhartig met God te kan praat. God vergewe onvoorwaardelik en verwag van ons om dit ook te doen. Ons moet mekaar help om in die vrede wat alle verstand te bowe gaan te leef. Wat is daar op jou hart om voor te bid? Elkeen noem een of twee dinge wat tans op jou hart lê Waaroor gaan jy elke dag hierdie week in jou persoonlike stilte tyd met God praat? Bid saam met mekaar vir die sake wat op die tafel geplaas is. Bid vir die Here se seën op elkeen se gebedslewe. Dank die Here vir die reeks. v Vgl. Jes. 40:13; vgl. Job 15:8; 41:2; Jer. 23:18 28 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Ro 11:33 18

19 SAMEVATTING EN AANMOEDIGING: Jakobus 5:13-18: 13 As daar iemand onder julle is wat swaar kry, moet hy bid. As daar iemand is wat opgeruimd is, moet hy lofliedere sing. 14 As daar iemand van julle is wat siek is, moet hy die ouderlinge van die gemeente laat kom, en hulle moet vir hom bid en hom met olie salf onder aanroeping van die Naam van die Here. 15 En as hulle gelowig bid, sal dit vir die sieke genesing bring: die Here sal hom gesond maak. As hy gesondig het, sal dit hom vergewe word. 16 Bely julle sondes eerlik teenoor mekaar en bid vir mekaar, sodat julle gesond kan word. Die gebed van n gelowige het n kragtige uitwerking. 17 Elia was n mens net soos ons. Hy het ernstig gebid dat dit nie moet reën nie, en in die land het dit drie jaar en ses maande lank nie gereën nie. 18 Toe het hy weer gebid, en die hemel het reën gegee en die aarde het sy oes gelewer. 29 Jakobus moedig ons aan om onder alle omstandighede getrou te bly bid en hy herinner ons aan die krag van gebed. 1 Joh. 5: En nou kan ons met vrymoedigheid na God gaan, omdat Hy ons gebede verhoor as ons enigiets volgens sy wil vra. 15 En aangesien ons weet dat Hy ons gebede verhoor as ons iets só vra, weet ons ook dat ons kry wat ons van Hom vra. 30 Kom ons oefen saam om die asemhaling van geloof daagliks spontaan te doen. Bid vrymoedig. 29 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. Jas 5:13 30 Die Bybel : Nuwe Vertaling. electronic ed. Cape Town, South Africa : Bybelgenootskap van Suid-Afrika, 1998, c1983, S. 1 Jn 5:14 19