Inleiding: 1. Ons vier Nagmaal in opdrag van die Here.

Transcriptie

1 1 1 Korintiërs 11:17-34; Teks: K 1/2/2015 Sing: Ps. 45:1,4,5,16; Ps. 75:5,6; Ps. 118:3,4,5; Ps. 86:2,3; Ps. 46:1,3,6. (Nagmaal Ps. 23:3; Ps. 63:1-6.) Inleiding: Geliefde broeders en susters kerk van ons Here Jesus Christus Waarom gebruik ons Nagmaal? Kom ons kom 'n bietjie nader aan eie lyf: Waarom gebruik ék Nagmaal? Los nou maar al die korrekte antwoorde wat elkeen van ons kan gee. Waarom dit eintlik gaan, is: Wat beteken dit werklik vir my wanneer ek vanmôre kom aansit aan die tafel van die Here? Is ek maar hier omdat dit van my verwag word? Is ek hier omdat dit maar 'n kerklike tradisie is? Of is ek werklik hier omdat ek weet... Tema: Die Here Jesus het die Nagmaal ingestel tot sy gedagtenis. En daarom 1. Ons vier Nagmaal in opdrag van die Here. En Ons vier Nagmaal met 'n spesifieke doel. 1. Ons vier Nagmaal in opdrag van die Here. In die kerk in Korinthe het daar destyds 'n klomp verkeerde dinge gebeur. Die lidmate het verkeerd opgetree tydens die liefdesmaaltye en só die Nagmaal verontheilig. Hiervan lees ons in vs Hierdie liefdesmaaltye was destyds in daardie jong gemeente 'n daaglikse instelling. Elkeen het die kos wat hy of sy gehad het saamgebring sodat dit gedeel kon word. Die wat min gehad het, het die min wat hulle gehad het, gebring en die wat oorvloed gehad het, het uit die oorvloed wat hulle gehad het, meer gebring. Op daardie manier het hulle ook vir die armes in die gemeente gesorg. Aan die einde van hierdie maaltye het hulle dan ook gewoonlik saam Nagmaal gebruik. Maar... dinge het mettertyd verander: Die rykes het begin om vooraf eers genoeg te eet voordat hulle byeen gekom het en het gevolglik nie meer genoeg kos saamgebring nie. En só het die armes nie genoeg kos gekry nie. Die rykes se gesindheid was nie meer reg nie en die armes het dit agter gekom. Dit het tot krapperigheid en skeuring aanleiding gegee en die 1

2 2 armes vlg. vs. 22 beskaamd gemaak. Die gevolg was dat die Nagmaal nie meer tot opbou van hulle geloof en tot eer van die Here gevier is nie! Daarom roep Paulus o.l.v. die Gees die kerk in Korinthe tot orde: Julle moet onthou waar die Nagmaal vandaan kom! Ek het van die Here ontvang wat ek ook aan julle oorgelewer het (vs. 23). Duidelik is die Nagmaal nie maar 'n menslike instelling wat julle kan inkleur en waarmee julle kan maak soos julle goed dink nie! Julle moet onthou dat die Here Jesus Self die Nagmaal ingestel het. Ons vier Nagmaal in opdrag van die Here! Daarom moet julle dit onderhou op die manier waarop Hy dit ingestel het. Julle moet dit ook onderhou vir die doel waarvoor Hy dit ingestel het. Ja... Jesus Christus is die Koning van sy kerk. Aan sy bevele alleen moet ons gehoorsaam wees. Hy wil hê dat ons Nagmaal gebruik. En ons moet die Nagmaal vier soos Hy sy apostels geleer het en in die Woord vir ons laat opteken het. Dit is sy instelling vir sy kerk. En nou moet daardie selfde Godgegewe sakrament voortgesit word op elke plek waar sy kerk op aarde byeen kom. Nou weet ons: Paulus was nie eers self teenwoordig by die instelling van die Nagmaal nie. Maar hy het waarskynlik by die ander apostels gehoor en geleer hoe die Nagmaal gebruik moes word. En hulle mog nie afwyk van die Nagmaalsviering soos hulle dit van die begin af by Jesus Self geleer het nie. Anders sou hulle die Nagmaal verontheilig. Ook die gesindheid waarmee hulle vooraf deelgeneem het aan die liefdesmaaltye wat oorgevloei het in die Nagmaal, was uiters belangrik. Hoe kon hulle tog op n liefdelose wyse deelneem aan n liefdesmaaltyd en net daarná met die regte gesindheid die Nagmaal vier!? Daarom moes die kerk in Korinthe weer die instellingswoorde van die Nagmaal hoor. Hulle moes besef waarmee hulle besig was. Hulle optrede voor en tydens die Nagmaalsviering het duidelik getoon dat hulle juis nie meer onder die diepe besef gestaan het van dit waarmee hulle besig was nie. Dit was nodig dat hulle hul t.o.v. hierdie saak moes bekeer! Die Korintiërs moes terugdink aan daardie nag waarop die Here verraai is (vs. 23) toe Hy die Nagmaal ingestel het. Hulle moes terugdink aan daardie besondere tydstip waarop die Here Jesus die Nagmaal ingestel het. Dit was op 'n kritiese tydstip in die kerk en in die 2

3 3 wêreld se geskiedenis. Net voor die kruisiging. Net voor Jesus Christus sy lewe vir sondaarmense sou aflê. Net voor die mees bepalende tydstip vir alle mense se ewige toekoms. Maar enkele ure voor sy kruisdood het Hy hulle vooraf deur die Nagmaal in die geloof versterk en aan hulle die versekering gegee dat Hy nie verniet aan n kruishout sou sterf nie. Hy sou immers vir die sondes van sy kinders betaal. Hy sou hulle met sy liggaam en bloed vry koop van die mag van die satan en van die ewige verderf. Broeder en suster wanneer die ouderlinge met huisbesoek aan ons sou vra of ons met vrymoedigheid aan die Nagmaalstafel kan kom aansit, moet ons dit reg verstaan. Vrymoedigheid beteken geensins eiewilligheid nie. Ek móét kom aansit. Dit is 'n opdrag van die Here. As ek nie gereeld Nagmaal gebruik nie, minag ek immers n opdrag van die Here Self. Daarom mag ek nie oor geringe en minder belangrike sake nie Nagmaal gebruik nie. Om met vrymoedigheid te kan aansit, is dit ook belangrik dat ek myself diepgrondig moes ondersoek en vooraf die dinge wat kon maak dat ek die Nagmaal sou kon verontheilig, moes aflê. Ek moet opreg kan getuig dat daar nie skandelike sondes in my lewe is wat ek sonder berou en bekering probeer wegsteek nie. Ek moet opreg en eerlik kan getuig dat ek met 'n rein gewete voor die Here kan kom aansit sonder om 'n oordeel oor myself te eet of te drink. Ek moet, in die woorde van vs. 27, nie op n onwaardige wyse hierdie brood eet of die beker van die Here drink en so skuldig wees aan die liggaam en die bloed van die Here nie. Verder Vier ons die Nagmaal met 'n spesifieke doel. In die gemeente van Korinthe het dit gelyk asof hulle nie meer onthou het waarom hulle Nagmaal gebruik nie. Dit het gelyk asof hulle nie meer die Here en sy verlossingswerk onthou het nie. En tog het die Here Jesus vlg. vs. 24 gesê: "Doen dit tot my gedagtenis." Ja... Jesus gebruik die Nagmaal om sy kinders te herinner aan dit wat Hy aan die kruis vir hulle gedoen het: Wanneer julle die tekens van brood en wyn eet en drink: Onthou! Ek het met My bloed vir julle betaal. Ja... onthou dat Hy as Middelaar vir ons kom intree het. Dit beteken: Hy het tussen God en ons kom staan. Gevolglik sien God nie meer ons 3

4 4 sondes raak nie, maar Hy sien alleen maar die soenverdienste van ons Middelaar, Jesus Christus, raak. En Hy het die volle lydingsbeker gedrink. Hy het aan die kruis vir ons sondes gesterf. En nou moet ons, wanneer ons Nagmaal gebruik, nie alleen maar net aan die verlede dink nie. Ons móét wel ook weer opnuut na die kruisdood van Jesus Christus gaan kyk, maar ons mag nie vassteek by die historiese gebeure rondom die kruis nie. Dit wat Jesus Christus gedoen het, het ook betekenis vir vandag. Dit het ook betekenis vir die hier en die nou. Want... Nagmaalgebruik verseker ons opnuut daarvan dat ons in die lewe van elke dag vrede in die gemoed kan hê. Dat ons rustig kan volhard in die roeping wat die Here aan ons gee en op die plek waar die Here ons geplaas het. Daarom kom ons ons verantwoordelikhede na die beste van ons vermoëns na met die gawes en die geleenthede wat die Here aan ons gegee het. Ja om te mag vasgryp aan die betekenis van Jesus Christus se kruisdood vir ons, beteken geensins dat ons passief mag agteroorsit en wag op die wederkoms nie. Daarteen waarsku die Here ons ook deur die apostel Paulus in die briewe aan die Thessalonisense. Daar was gelowiges in Thessalonika wat met soveel verwagting uitgesien het na die wederkoms van Jesus Christus, dat hulle vergeet het dat hulle steeds n roeping het om uit te leef... en dit... tot op die dag dat die Here Jesus weer kom. Van hulle het ophou werk en net gewag op die wederkoms. So het hulle n las geplaas op die ander gelowiges wat hulle moes help versorg. Daarom moes Paulus hulle onder leiding van die Heilige Gees vermaan: Wie nie werk nie, moet ook nie eet nie... julle moet werk en julle eie brood eet (2 Thess. 3:10, 12). Ja... ons het elkeen die plig om ons gawes ten beste te gebruik op elke terrein waar die Here ons gebruik. Op die dag wanneer die Here kom, moet Hy ons besig en getrou vind daar waar ons diensbaar is in sy Koninkryk. Soos daardie dienskneg wat sy heer aangestel het om die ander diensknegte te versorg terwyl hy weg was. Ons lees daarvan in Matteus 24:45. Mag Hy ons dan op die dag van die wederkoms of op die dag wanneer Hy ons op aarde kom haal, steeds getrou besig vind. Besig om te doen dit waarvoor Hy ons geroep het. Dan tree ons op volgens die eis van die Woord. Die Hervormer, Maarten Luther, het 4

5 5 dit as volg verwoord: As ek weet die wederkoms van ons Here Jesus is môre, plant ek vandag nog n boom. Ja... Nagmaalgebruik bevestig opnuut aan ons dat ons nie vreesbevange en moedeloos in ons harte en gemoedere hoef te wees nie. Al is daar ook baie dinge waaroor ons onseker is. Al weet ons nie wat die toekoms inhou nie. Maar... as ons ons verantwoordelikhede na die beste van ons vermoëns nagekom het as ons in afhanklikheid van die Here, met die insigte tot ons beskikking, probeer patroon en rigting gee aan ons lewens en aan die toekoms kan ons vrede, rustigheid en kalmte in ons harte hê. En hoekom dan... hoe is dit dan moontlik? Omdat Christus gekom het. Omdat Hy kom sin gee het in 'n wêreld wat nie altyd vir ons menslike verstaan en oordeel sin maak nie. Die wêreld verstaan immers geensins die sin daarvan dat Jesus aan 'n kruishout moes kom sterf nie. Daarteenoor weet gelowiges egter: In sy grote liefde vir sondaarmense het Hy juis kom sin gee aan die lewe wat sonder Hom geheel en al sinloos is. Sy gebreekte liggaam en sy bloed wat gevloei het dít gee sin aan hierdie lewe! Daaraan moet ons dink! Dááraan kan elke gelowige wat vandag Nagmaal gebruik, vashou. Maar... die Nagmaal het ook betekenis vir ons toekoms. Die tekens van brood en wyn wys na die liggaam en die bloed van Christus en verseker ons dat al hierdie dinge wat op aarde gebeur, nie maar tevergeefs is nie. Nie tevergeefs hou ons aan die Here Jesus en aan sy soenverdienste vas nie. Dit is nie tevergeefs dat ek onregverdig by die werk behandel word, omdat ek nie bereid is om my beginsels prys te gee nie. Nie tevergeefs dat ek steeds liefde bly bewys in 'n wêreld wat vasgevang is in haat en nyd en geweld nie. Nie tevergeefs dat ek onbeskaamd ánders as die wêreld optree nie. Wie meen dat die lewe en alles daarmee saam, tevergeefs is, verstaan mos nie wat die Nagmaal vir ons leer nie. Die Here Jesus leer ons: "Doen dit tot my gedagtenis." Dink terug aan wat Hy gedoen het. Maar... dink daarmee saam ook aan dit wat Sy kruisdood vir jou toekoms inhou! Die ewigheid wag op jou! Jy sal vir ewig deel hê aan die Here Jesus Christus. Hy het met sy liggaam, wat aan die kruis vasgespyker is, opgestaan uit die dood. Sodoende het Hy die dood oorwin. En God se kinders sal deel hê aan daardie 5

6 6 oorwinning. Ja... ons is in die woorde van Rom. 8:37 meer as oorwinnaars deur Hom wat ons liefgehad het. Die Nagmaal is vlg. vs. 24 en 25 gedagtenismaaltyd. Maar... uit vs. 26 sien ons dat die Nagmaal ook n belydenismaaltyd is. Elke keer wanneer ons saam Nagmaal gebruik, verkondig ons ons getuig van die dood van die Here totdat Hy kom. So word en is die Nagmaal sigbare prediking. Ons sien met ons oë die tekens van brood en wyn. En deur die tekens sien en leer ons wat die Woord ons oor die Nagmaal leer. Ja wanneer ons Nagmaal gebruik... bely, getuig, verkondig ons: Jesus Christus het gesterf maar Hy het ook uit die dood opgestaan. Hy sit aan die regterhand van God vanwaar Hy as Koning oor alle dinge ook oor ons lewens regeer. Slot: Geliefde broeders en susters Nagmaal is 'n maaltyd alleen vir gelowiges. En Sondag 30 van die HK beskryf daardie mense se optrede en gesindheid: Dit is hulle wat n afkeer aan hulleself het vanweë hulle sondes, maar tog vertrou dat hulle om Christus wil vergewe is en die innige begeerte het om hulle geloof te versterk en hulle lewens te verbeter. Baie duidelik: As ek nie in die geloof kom aansit nie, mag ek nie Nagmaal gebruik nie. Alleen deur die geloof wat die Heilige Gees in 'n mensehart werk, het ek waarlik deel aan die liggaam en aan die bloed van die Here Jesus Christus. Ons kom daarom as geloofsgenote aansit aan die tafel van die Here. Ons verkondig die dood van die Here Jesus tot en met sy wederkoms. Sáám bely ons dat sy kruisdood die enigste grond vir ons saligheid is. Ons kom daarom aansit terwyl ons gedagtes vol is van die betekenis van dit wat Jesus Christus vir ons gedoen het. Sy dood het betekenis vir my lewe van vandag. Maar Sy dood het ook betekenis vir my lewe tot in alle ewigheid vir my ewige lewe. Ja... Sy kruisdood gee sin en betekenis aan hierdie aardse lewe maar... dit bepaal en gee ook sin aan my ewige lewe. Dít kan ons ook weer vanoggend hier van harte bely. AMEN. 6