TORAH (WET) EN GENADE. LES 11 (Deel 4): TORAH, TRADISIE EN SKRIFVERKLARINGS

Transcriptie

1 TORAH (WET) EN GENADE LES 11 (Deel 4): TORAH, TRADISIE EN SKRIFVERKLARINGS INLEIDING 1. In die afgelope jare het daar n groot aantal nuwe vertalings van die Skrifte verskyn. Die oorgrote meerderheid van hierdie vertalings is vertaal met n oorwegende Helenistiese denke en kultuur. Die gevolg hiervan is dat die Hebreeuse denke en kultuur, veral van die nuwe testament, grootliks verlore geraak het. n Verdere invloed op die verskillende vertalings was, en is steeds, tradisie en eie teologiese interpretasie van Skrifte wat veral in die eerste eeue na Messias in die kerk ontstaan het en gevorm was. 2. Die invloed van Gnostisisme op die teologiese denke van die vroeë kerk (in die eerste twee eeue) moet ook nie onderskat word nie. Dit is n dwaling waarmee Paulus reeds te doen gekry het soos ondermeer uit sy brief aan die Kolossense blyk. Nota: Gnostisisme is die aanspraak op verhewe kennis oor geestelike aspekte en beweerde toegang tot die geheimenisse van die mistieke filosofie. Marcion was veral bekend vir die vermenging van die ware evangelie met Gnostisisme en het die teologiese denke van ondermeer Augustinus beïnvloed. Beide John Waycliff, wat die eerste was om die nuwe testament in Engels te vertaal, en Miles Coverdale, wat die eerste was om die hele Bybel in Engels te vertaal, was op hulle beurt weer baie beïnvloed deur die teologiese denke van Augustinus. 3. Dit moet ook onthou word dat die Reformeerders uit die Roomse Kerk gekom het en daarom het hulle teologiese denke steeds aspekte van Katolisisme bevat. Hoewel hulle die waarheid van redding deur geloof alleen teruggebring het, het hulle steeds sekere verkeerde interpretasie van genade en die ou verbond gehandhaaf, asook sekere tradisies behou. 4. Dit is ook noodsaaklik om van geskiedkundige gebeure kennis te dra en hoe dit ook bygedra het tot die vorming van hedendaagse tradisionele

2 2 teologiese denke en gebruike. Die geskiedenis van die Roomse Kerk en die van die Reformasie is veral belangrik. Hierdie aspek word dikwels ontken omrede dit opsigself gevestigde teologiese denke en tradisies as verkeerd bewys. n Sprekende voorbeeld hiervan is ten opsigte van die opheffing van die shabbat wat volgens geskiedskrywers en eie geskrifte van Katolisisme deur die Roomse Kerk tot Sondagaanbidding gewysig is. Volgens die geskiedenis is die invloed van die Romeinse heersers soos Konstantyn ook duidelik ten opsigte van die opheffing van die shabbat en die vestiging van sekere Christentradisies. 5. Ons moet ook verstaan en besef dat die Skrifte (Bybel) in sy totaliteit eerstens aan die Jode gerig was. Daarom kan ons nie as gelowige nie- Jode (gentiles) ons Hebreeuse wortels (verbintenis) ontken nie. Ons is die wilde olyftak wat op die mak olyfboom ingeplant is (Rom. 11:1 tot 31). Yeshua Messias was n Jood en is steeds n Jood, want Hy lewe steeds. Daar is geen Skrif wat ons leer, of enigsins aandui, dat Hy nie meer n Jood is nie. Dan moet ons ook nie vergeet dat ons redding deur die Jode gekom het (Joh.4:22). 6. Met bogenoemde ingedagte, asook met alles wat tot nou in Les 11 bespreek is, sal daar in hierdie les (deel 4) enkele ander Skrifgedeeltes bespreek word wat ook as sogenaamde bewys voorgehou word dat die gelowige in Messias vry van die wet (Torah) is. DIE BRIEF AAN DIE KOLOSSENSE 1. Die brief van Paulus aan die Kolossense is geskryf vanweë n dwaalleer wat ontstaan het en wat elemente van Gnostisisme en ekstreme Judaïsme bevat het. Volgens Kol. 2:23 kan daar tot die gevolgtrekking kom dat hierdie dwaling van die Kolossense ondermeer bestaan het uit n mensgemaakte godsdienstige sisteem van selfopgelegde kastyding van die liggaam en valse nederigheid wat die skyn van wysheid gehad het. 2. Hoewel Paulus nie die spesifieke dwaling beskryf nie, kan daar uit sy brief afgelei word dat hy die Gnostiese siening van redding deur van die begeertes van die vlees bevry te word en deur verhewe geestelike kennis as eiesinnige godsdiens van geen waarde beskou. Met dit as agtergrond moet oënskynlike teenstrydighede in hierdie brief en die brief aan die Romeine en Galasiërs ondersoek word. Kolossense 2:13 en 14 En julle, wat dood was deur die misdade en die onbesnedenheid van julle vlees, het Hy saam met Hom lewend gemaak deurdat Hy julle al die misdade vergeef het, en die skuldbrief teen ons, wat met sy insettinge ons vyandig was, uitgedelg en weggeruim het deur dit aan die kruis vas te nael,

3 3 1. Die beskouing van sommige is dat hierdie Skrif as bewys dien dat die wet (Torah) aan die kruis gespyker was en sodoende tot niet verklaar is. Dit is egter duidelik dat dit nie die wet was nie, maar wel die skuldbrief wat saam met Yeshua aan die kruis gespyker was. 2. Voor ons met YHVH deur Messias versoen geword het, het ons almal skuldig teenoor Torah gestaan n skuldbrief gehad wat ons vonnis ook bevat het. Ons het tog almal gesondig en derhalwe was ons almal skuldig (Rom. 3:23) en die loon van die sonde is die dood (Rom. 6:23). Dit is hierdie skuldbrief (skuldigbevinding en vonnis) wat tot niet verklaar was deur geloof in die versoeningswerk van Messias aan die kruishout. So het ons die genadegawe van die ewige lewe in Yeshua Messias deelagtig geword. 3. As sondaars is die wet ons nie goedgesind nie, maar wel vyandig gesind omrede dit ons oordeel en skuldig bevind. Vir die ongelowige is die wet (Torah) derhalwe YHVH se oordeel, maar vir die gelowige in Messias is Torah die genade (seën) van YHVH vir diegene wat daarvolgens lewe. 4. Verder moet daar op die volgende gelet word: Die Griekse woord vir insettinge in vers 14 is dogma en beteken ook mensgemaakte leerstellings en bevele. Soos reeds genoem was dit deel van die dwaling van die Kolossense dat hulle n mensgemaakte teologie (-geregtigheid, dogma,) gevolg het. Daarom bevat hoofstuk 2 van Kolosense n duidelike vermaning teen die leerstellings en bevele van mense, want dit het geen waarde nie en is bestem om te vergaan (Kol. 2:8, 18, 20 tot 23). Indien ons nie die geregtigheid van YHVH ken nie, loop ons gevaar om ons eie geregtigheid op te rig (Rom. 10:3). Derhalwe is die skuldbrief van ons eie geregtigheid ook aan die kruis vasgenael. Ons is nou die geregtigheid van YHVH in Yeshua Messias (2 Kor. 5:21). 5. Dit is dus ons skuldbrief wat saam met Yeshua aan die kruis gespyker is en nie Torah (die wet) nie. Ons weet immers dat dit wat aan die kruis gespyker was, was dit wat verwyder moes word. Torah is goed, heilig, regverdig, volmaak, n verkwikking vir die siel en wysheid en daarom is dit nie dit wat verwyder moes word nie. Vir die geregverdigde is Torah nie dit wat skeiding maak tussen YHVH en ons nie. Dit is ons sondeskuld, naamlik oortreding van Torah, wat skeiding maak. Die skuldbrief word dus tot niet verklaar deur geloof in Yeshua as die een wat in ons plek die vonnis vir ons skuld betaal het die eenmalige offer (Heb. 9:26 en Heb. 10:10). Die wet (Torah) is egter vir ewig. Kolossense 2:16 en 17 Laat niemand julle dan oordeel in spys of in drank of met betrekking tot n fees of nuwemaan of sabbat nie, wat n skaduwee is van die toekomstige dinge; maar die liggaam behoort aan Messias.

4 4 1. Hierdie Skrif word gebruik as bewys dat die shabbat en die feestye van YHVH opgehef is en dus as verdere bewys dat die wet opgehef is en die gelowige vry van die wet is. Let egter op dat vers 16 begin met: Laat niemand julle dan... Dit is dus duidelik dat hierdie twee verse saam gelees moet word met die voorafgaande verse. 2. In die voorafgaande verse is dit duidelik dat die gelowiges deur die valse leraars beskuldig was dat hulle nie die leerstellings en bevele volg soos deur hulle voorgeskryf was nie. Paulus sê dus aan die gelowiges om nie toe te laat dat mense hulle oordeel volgens hulle mensgemaakte tradisies en verordeninge nie. Dit is dus duidelik dat die Kolossense steeds die shabbat en die feestye gevier het en dit was die rede hoekom hulle deur die aanhangers van Gnostisime en ekstreme Judaïsme veroordeel is. 3. Dit is presies wat die grootste gedeelte van die kerk vandag doen. Hulle het ook vir hulle wette van mense en tradisies gemaak en gebruik dit om diegene te oordeel wat volgens Torah leef wat die shabbat en die feestye van YHVH gedenk. 4. Verder herinner Paulus die Kolossense daaraan dat die habbat en die feestye van YHVH n skadubeeld ( n afbeelding en heenwysing) is van toekomstige dinge. By implikasie sê hy dus dat hierdie dinge nie opgehef is nie, maar steeds as herinnering dien en gedenk moet word. Die teenstanders van Torah lees hierdie vers as: wat n skadubeeld was... terwyl die Skrif lees dat dit n skadubeeld is... ENKELE ANDER SKRIFTE 1. Rom. 10:4 Want Messias is die einde van die wet tot geregtigheid vir elkeen wat glo. Die Griekse woord vir einde is telos en beteken die doel, mikpunt of dit wat bereik wil word. Yeshua Messias is dus die doel van Torah wat vergifnis bied vir die wat glo. Hierdie teksvers beteken dus nie dat die wet tot n einde gekom het nie. Die wet (Torah) geld steeds, maar dit bied vergifnis deur Messias vir elkeen wat glo. Weereens moet ons onsself herinner dat die wet goed, heilig, regverdig, volmaak, n verkwikking vir die siel en wysheid is. Hoe kan dit tot n einde kom? 2. Ef. 2:14 tot 16. Want Hy is ons vrede, Hy wat albei een gemaak en die middelmuur van skeiding afgebreek het deurdat Hy in sy vlees die vyandskap tot niet gemaak het, naamlik die wet van gebooie wat in insettinge bestaan; sodat Hy, deur vrede te maak, die twee in Homself tot een nuwe mens

5 5 kon skep en albei in een liggaam met God kon versoen deur die kruis, nadat Hy daaraan die vyandskap doodgemaak het. 3. Die middelmuur van skeiding waarna Paulus verwys was n muur in die tempel wat skeiding gemaak het tussen die area waar die Jode en nie- Jode toegang tot gehad het. Hierdie skeidingsmuur was nie volgens Torah nie, maar was wel n Joodse wet. Die ontstaan van die muur was weens die Joodse siening dat hulle nie met nie-jode (gentiles) mag meng nie. Ons lees hiervan in Hand 10:28 Julle weet dat dit ongeoorloof is vir n Joodse man om met iemand van n ander volk omgang te hê of hom te besoek; maar God het my getoon dat ek geen mens onheilig of onrein mag noem nie. 4. Yeshua het hierdie middelmuur wat skeiding maak tussen Jode en nie- Jode afgebreek sodat ons almal een in Hom kan wees. Volgens die die Afrikaanse vertaling, asook verskeie ander vertalings, kom hierdie feit nie duidelik na vore nie, want ten opsigte van die vyandskap wat tot niet gemaak is, lees die vers: naamlik die wet van gebooie wat in insettinge bestaan. Hy het nie Torah tot niet gemaak nie. Let egter op die volgende: Torah kan nie die vyandskap wees nie, want Torah is goed, heilig, regverdig, volmaak, n verkwikking vir die siel en wysheid. Ons het ook reeds gesien dat die Griekse woord vir insettinge (dogma), ook die leerstellings en bevele van mense beteken. Die middelmuurmuur van skeiding wat afgebreek is, is die mensgemaakte wette wat verhinder dat Jode en nie-jode as een in Yeshua gesien en saamgevoeg word. Dit is presies wat YHVH aan Petrus by wyse van n visioen verduidelik het, naamlik: dat ek geen mens onheilig of onrein mag noem nie (Hand. 10:9 tot 28). 5. Bogenoemde sluit aan by wat Yeshua gesê het: Hierdie volk nader My met hulle mond en eer My met die lippe, maar hulle hart is ver van My af (Matt. 15:8). Ons harte is naby Vader-God wanneer ons Hom dien volgens Torah en nie volgens ons eie geregtigheid nie, naamlik volgens die wette en tradisies van mense. OPSOMMEND Torah is die onderrig (kennis), die instruksies (wette en voorskrifte) en wysheid van YHVH en dit is nie opgehef of tot niet verklaar nie. Dit is steeds deel van die hernieude verbond en van toepassing op die gelowige wat deur die genade in Yeshua met God die Vader versoen is. Hierdie feit is volledig in Les 11, deel 1 tot 4 bespreek en is gegrond op die verklaring van Skrifte in beide die ou- en die hernieude verbond.

6 6 BEPEINS OF BESPREEK DIE VOLGENDE 1. Lees Heb. 10:26 en 27 saam met 1 Joh. 3:4. Wat is opsetlike sonde en die gevolge daarvan? 2. Lees Heb. 10:28 en 29. Wat leer hierdie Skrif ons ten opsigte van die wet van Moses en die genade deur Yeshua? Kan ons die wet (Torah) verwerp en slegs die genade aanvaar? Shalom tot volgende keer. Johan Kriel Epos: kontak@nuwelied.info Webwerf: Kopieë mag gemaak en gratis versprei word, maar mag nie verkoop word nie. Geen veranderinge mag aan die oorspronklike teks aangebring word en dit dan onder die naam van Nuwe Lied Bediening versprei nie.